"చిన్న విషయానికే ట్విటర్​లో స్పందించే కేసీఆర్​ కుటుంబం.. మేడిగడ్డ విషయంలో ఎందుకు స్పందించదు?"

Congress Leaders Visited Medigadda Barrage : కాళేశ్వరం ప్రాజెక్టు విషయంలో ఇంజినీర్ అవతారం ఎత్తినట్లు చెప్పుకున్న ముఖ్యమంత్రి కేసీఆర్​.. ఇప్పుడు ఎందుకు నోరుమెదపడం లేదని కాంగ్రెస్‌ సీనియర్‌ నేత పొన్నం ప్రభాకర్‌ ప్రశ్నించారు. కాళేశ్వరం ప్రాజెక్టుతో హుస్నాబాద్​, గౌరవెల్లి ప్రాంతానికి కోనసీమగా చేస్తానని చెప్పి.. సీఎం కేసీఆర్​ రైతులకు అన్యాయం చేశారని దుయ్యబట్టారు. మేడిగడ్డ బ్యారేజీని సందర్శించడానికి కాంగ్రెస్​ శ్రేణులు, రైతులు తరలివెళ్లారు.

Congress Leaders Visited Medigadda Barrage : మేడిగడ్డ బ్యారేజీ(Medigadda Barrage) సందర్శనకు వెళ్లిన కాంగ్రెస్​ శ్రేణులు, రైతులను బొమ్మారం వద్ద పోలీసులు అడ్డుకున్నారు. దీంతో కాంగ్రెస్​ శ్రేణులకు పోలీసులకు మధ్య తీవ్ర వాగ్వాదం జరిగింది. అనంతరం కరీంనగర్​ మాజీ ఎంపీ పొన్నం ప్రభాకర్​తో పాటు మరో నలుగురు కాంగ్రెస్​ నాయకులకు మాత్రమే మేడిగడ్డ సందర్శనకు అనుమతి ఇచ్చారు. అనంతరం పొన్నం ప్రభాకర్​ బీఆర్​ఎస్​పై విరుచుకుపడ్డారు.

Ponnam Prabhakar Fires on CM KCR : కాళేశ్వరం ప్రాజెక్టు(Kaleshwaram Project) విషయంలో ఇంజినీర్ అవతారం ఎత్తినట్లు చెప్పుకున్న ముఖ్యమంత్రి కేసీఆర్​.. ఇప్పుడు ఎందుకు నోరుమెదపడం లేదని కాంగ్రెస్‌ సీనియర్‌ నేత పొన్నం ప్రభాకర్‌ ప్రశ్నించారు. నాణ్యతా లోపం ఉంటే పియర్​​ విరిసిపోతుందా.. కచ్చితంగా ఇది డిజైన్​ లోపమేనని పేర్కొన్నారు. కాళేశ్వరం ప్రాజెక్టుతో హుస్నాబాద్​, గౌరవెల్లి ప్రాంతానికి కోనసీమగా చేస్తానని చెప్పి.. సీఎం కేసీఆర్(CM KCR)​ రైతులకు అన్యాయం చేశారని దుయ్యబట్టారు. ఇప్పటికైనా ప్రభుత్వం మౌనం వీడి.. ప్రజలకు వాస్తవాలను తెలపాలని డిమాండ్​ చేశారు.

Medigadda Barrage Damage in Bhupalpally : రైతులతో కలిసి నాలుగు బస్సుల్లో వస్తే పోలీసులు అనుమతించలేదని.. చివరకు కొందరిని మాత్రమే అనుమతించారని ప్రభాకర్​ తెలిపారు. తాము ప్రాజెక్టును సందర్శించడానికి వెళితే ఏ ఒక్క అధికారి కూడా వివరించడానికి రాకపోవడం విడ్డూరమని మండిపడ్డారు. అయితే స్వాతంత్ర్యం వచ్చిన తర్వాత కాంగ్రెస్​ ప్రభుత్వంలో నిర్మించిన కట్టడాలు ఇప్పటికీ కూడా ఏ ఒక్కటీ చెక్కుచెదరలేదని గుర్తు చేశారు. ప్రతి చిన్న విషయానికి ట్విటర్​లో స్పందించే కేసీఆర్​ కుటుంబ సభ్యులు కాళేశ్వరం ప్రాజెక్టులో జరిగిన అవకతవకలపై, నిర్మాణాలపై ఎందుకు స్పందించడం లేదని ప్రశ్నించారు. కేంద్ర ప్రభుత్వం ఎందుకు మౌనంగా ఉందని.. వాస్తవాలను ఎందుకు బయటపెట్టడం లేదన్నారు.

"కాళేశ్వరం ప్రాజెక్టు విషయంలో సీఎం కేసీఆర్​నే స్వయంగా ఇంజినీర్​గా అవతారం ఎత్తి ప్రాజెక్టు నిర్వహణను చూసుకున్నారు. మంచి అయితే వాళ్లు చెడు అయితే ప్రతిపక్షాలపై నెట్టేసే పరిస్థితి స్పష్టంగా కనిపిస్తుంది. వెంటనే కాళేశ్వరం ప్రాజెక్టు, మేడిగడ్డ బ్యారేజీ, గతంలో మునిగిపోయి పంపు హౌస్​లపై ప్రజలకు వివరణ ఇవ్వాలి. ఇది ప్రభుత్వ వైఫల్యంగా భావిస్తూ.. రాష్ట్ర ప్రభుత్వం బాధ్యత తీసుకోవాలి." - పొన్నం ప్రభాకర్​, కాంగ్రెస్​ సీనియర్​ నేత

Police Stop Ponnam Prabhakar and Congress Leaders : ప్రాజెక్టు డిజైన్​కు సంబంధించిన వివరాలను రాష్ట్ర ప్రజలకు ఎందుకు ప్రభుత్వం వివరించడం లేదని.. బీఆర్​ఎస్​ హయాంలో కట్టిన ప్రాజెక్టులు ఎందుకు కూలిపోతున్నాయని దుయ్యబట్టారు. ఈ విషయాలను ప్రజలు గమనించాలని కోరారు. ప్రాజెక్టు పేరుతో విహార యాత్రలు, సందర్శనలకు అనుమతించిన సీఎం కేసీఆర్​.. ఇప్పుడు సందర్శనకు అనుమతించడం లేదన్నారు. అక్కడకు వెళ్లే వారిని ఎందుకు పోలీసులను అడ్డుపెట్టి అడ్డుకుంటున్నారని ప్రశ్నించారు. నిర్మాణం జరిగినప్పుడు ఫోజులు ఇచ్చిన నాయకులు ఈరోజు ఎందుకు నోరు విప్పడం లేదని పొన్నం ప్రభాకర్​ అన్నారు. మేడిగడ్డ బ్యారేజీ ప్రమాద తీవ్రతను చూడడానికి నాలుగు బస్సుల్లో కాంగ్రెస్​ నాయకులు, రైతులు తరలివచ్చారు. అయితే పోలీసులు మాత్రం వారిలో నలుగురికి మాత్రమే అనుమతి ఇచ్చారు.