'ఏఎన్​ఎమ్​లను వేధింపులకు గురిచేస్తున్న వైద్యురాలు'

తోటి ఆడవారు అని చూడకుండా గుంజీలు తీయిస్తూ, బెంచీలు కింద కూర్చోబెడుతూ ఏఎన్​ఎమ్​లను నానా ఇబ్బంది పెడుతోంది ఓ డాక్టర్​. వేధింపులకు గురిచేస్తున్న ఆ డాక్టర్​ మాకొద్దు అంటూ జయశంకర్​ భూపాలపల్లి జిల్లా కాటారం ప్రాథమిక ఆరోగ్య కేంద్ర ఏఎన్​ఎమ్​లు ఆందోళనకు దిగారు.

జయశంకర్​ భూపాలపల్లి జిల్లా కాటారం ప్రాథమిక ఆరోగ్య కేంద్ర ఏఎన్​ఎమ్​లు నిరసన బాట పట్టారు. పీహెచ్​సీలో విధులు నిర్వహిస్తున్న డాక్టర్​ ఉమాదేవి తమను వేధింపులకు గురిచేస్తుందన్నారు. చెప్పినట్టు వినకుంటే గుంజీలు తీయిస్తూ.. బెంచీల కింద కూర్చోబెడుతుందని ఆరోపిస్తున్నారు. వెంటనే ఉమాదేవిపై చర్యలు తీసుకోవాలని అంబేడ్కర్​, జయశంకర్​ విగ్రహాల వద్ద ఏఎన్​ఎమ్​లు మూతికి నల్లగుడ్డ కట్టుకుని ఆందోళనకు దిగారు.

ఇవీ చూడండి: ముంబయిలో 45ఏళ్ల వర్షపాతం రికార్డ్​ రిపీట్​!