ఆటలతో ఆరోగ్యం

ఒకప్పుడు ఖాళీ సమయం దొరికితే పిల్లలు ఆటలాడేవారు. ఇప్పుడు పాఠశాలల్లో మైదానాలు లేక కంప్యూటర్​, సెల్​ఫోన్లలోనే సమయం గడుపుతున్నారు. ఈ పరిస్థితిని మార్చేలా కొన్ని పాఠశాలల్లో ఆటలకు ప్రాధాన్యత ఇస్తున్నారు. క్రీడలపై విద్యార్థులకు ఆసక్తి పెంచేందుకు జనగామ జిల్లాలోని ఓ పాఠశాలలో స్పోర్ట్స్​డే ఘనంగా నిర్వహించారు.

జనగామ కేంద్రంలోని ఓ ప్రైవేట్ పాఠశాలలో నిర్వహిస్తున్న క్రీడోత్సవాలను రాష్ట్ర పర్యాటక శాఖ కార్యదర్శి బుర్రా వెంకటేశం, ద్రోణాచార్య అవార్డు గ్రహీత నాగపురి రమేశ్ ప్రారంభించారు. విద్యార్థులంతా ఉత్సాహంగా ఆటపాటల్లో పాల్గొన్నారు.

ప్రారంభంలో విద్యార్థులు చేసిన జానపద నృత్యాలు, ఏరోబిక్, యోగా, కర్ర సాము ఆహూతులను ఎంతగానో ఆకట్టుకున్నాయి. పాఠశాల యాజమాన్యం విద్య బోధించడమే కాక వివిధ రంగాలలో విద్యార్థులను ప్రోత్సహించడం సంతోషంగా ఉందని బుర్రావెంకటేశం పేర్కొన్నారు. ఆటలలో రాణించిన విద్యార్థులకు ముఖ్య అతిథులు బహుమతులు అందజేశారు. విద్యార్థులు చదువుతో పాటు అన్ని రంగాలలో ఎదగాలని ఆకాంక్షించారు.