'స్టేషన్​ ఘనపూర్​ అభివృద్ధికి కృషి చేస్తా'

జనగామ జిల్లా స్టేషన్ ఘన్​పూర్​ నియోజకవర్గ అభివృద్ధికి శాయశక్తులా కృషి చేస్తానని ఎమ్మెల్సీ, మాజీ మంత్రి కడియం శ్రీహరి వెల్లడించారు. ఈ సందర్భంగా చిల్పూర్​ మండలంలోని సీతతండాలో వలస కూలీలకు నిత్యావసర సరకులు పంపిణీ చేశారు.

జనగామ జిల్లా చిల్పూర్​ మండలంలోని సీతా తండాలో వలస కూలీలకు ఎమ్మెల్సీ, మాజీ మంత్రి కడియం శ్రీహరి నిత్యావసర సరకులు పంపిణీ చేశారు. రాజకీయంగా జన్మనిచ్చిన స్టేషన్ ఘన్​పూర్ నియోజకవర్గం ప్రజలకు ఎప్పుడు రుణపడి ఉంటానని ఈ సందర్భంగా ఆయన పేర్కొన్నారు. ప్రజలకు సేవలందించడం ఆనందంగా ఉందన్నారు. నియోజకవర్గం ఎవరి సొత్తు కాదని ప్రజల కోరిక మేరకే తాను పర్యటిస్తున్నట్లు ఆయన తెలిపారు. ప్రజల ఆశీస్సులు తనకు ఎల్లప్పుడూ ఉంటాయని ఆశాభావం వ్యక్తం చేశారు.