ప్రజలు మూఢనమ్మకాలను నమ్మకూడదని ఎమ్మెల్యే ముత్తిరెడ్డి యాదగిరి రెడ్డి సూచించారు. ఆధునిక యుగంలో దెయ్యాలు, మంత్రాలు, చేతబడి లాంటి వాటిని విశ్వసించకూడదన్నారు. మంత్రలే ఉంటే ముందు తన మీద ప్రయోగించాలని... అనంతరం అమాయక ప్రజల వద్దకు వెళ్లాలని యాదగిరిరెడ్డి వ్యాఖ్యానించారు. జనగామ జిల్లా తరిగొప్పుల మండలం పోతారంలో దెయ్యం తిరుగుతుందని వార్తలు జోరుగా ప్రచారమవుతున్నాయి. ఈ వార్తలకు గ్రామస్థులు భయపడుతూ... ఇళ్లు ఖాళీ చేస్తున్నారన్న సమాచారం తెలుసుకున్న ఎమ్మెల్యే ముత్తిరెడ్డి యాదగిరిరెడ్డి గ్రామానికి చేరుకున్నారు.
జనవిజ్ఞాన వేదిక సభ్యులు, పోలీసులతో కలిసి దెయ్యం తిరుగుతుందని ప్రచారం జరుగుతున్న ఇంటిని పరిశీలించారు. అందరితో కలిసి అక్కడే భోజనం చేశారు.
