జనగామ జిల్లా కేంద్రంలోని కలెక్టర్ కార్యాలయంలో యాసంగి పంటల కొనుగోలు, సమీకృత మార్కెట్ నిర్మాణం, పర్యాటక ప్రదేశాల అభివృద్ధిపై జిల్లా అధికారులతో గ్రామీణాభివృద్ధి, పంచాయతీ రాజ్ శాఖ మంత్రి ఎర్రబెల్లి దయాకరరావు సమీక్షా సమావేశం నిర్వహించారు. ఈ సమావేశంలో కొవిడ్ నేపథ్యంలో తీసుకోవాల్సిన జాగ్రత్తలపైనా సమీక్షించారు.
రాష్ట్రంలో కరోనా సెకండ్ వేవ్ విజృంభిస్తోందని.. ప్రజలంతా అప్రమత్తంగా ఉండాలని సూచించారు. ప్రతి ఒక్కరు మాస్కు ధరించాలని, భౌతిక దూరం తప్పని సరి అని చెప్పారు. ఈ సమీక్షా సమావేశంలో జిల్లా పాలనాధికారి నిఖిల, జడ్పీ ఛైర్మన్ పాగాల సంపత్ రెడ్డి, ఎమ్మెల్యే ముత్తిరెడ్డి యాదగిరి రెడ్డి, అధికారులు పాల్గొన్నారు.
- ఇదీ చదవండి : కెనడాలో నల్గొండ జిల్లా విద్యార్థి ఆత్మహత్య
