కల్యాణ లక్ష్మి చెక్కుల పంపిణీ చేసిన ఎమ్మెల్యే ముత్తిరెడ్డి

కరోనా విపత్కర పరిస్థితుల్లోనూ సంక్షేమ పథకాలను ప్రజలకు చేర్చేందుకు ముఖ్యమంత్రి కేసీఆర్​ నిరంతరం కృషి చేస్తున్నారని ఎమ్మెల్యే ముత్తిరెడ్డి యాదగిరి రెడ్డి అన్నారు. నర్మెట్ట మండల కేంద్రంలో లబ్ధిదారులకు కల్యాణ లక్ష్మి చెక్కులను పంపిణీ చేశారు.

కల్యాణ లక్ష్మి, షాదీ ముబారక్​ పథకాలు నిరుపేద కుటుంబాలకు వరంలా మారాయని ఎమ్మెల్యే ముత్తిరెడ్డి యాదగిరి రెడ్డి పేర్కొన్నారు. జనగామ జిల్లా నర్మెట్ట మండల కేంద్రంలో 23 మంది లబ్ధిదారులకు కల్యాణ లక్ష్మి చెక్కులను పంపిణీ చేశారు.

సీఎం కేసీఆర్​... అనేక సంక్షేమ పథకాలు అమలు చేస్తూ దేశానికే ఆదర్శంగా నిలుస్తున్నారని తెలిపారు. మా ప్రభుత్వం చేసే ఆభివృద్ధిని చూసి ఓర్వలేక ప్రతిపక్షాలు అనవసరమైన ఆరోపణలు చేస్తున్నాయని విమర్శించారు.

ఇదీ చూడండి: పీవీకి భారతరత్న ఇవ్వాలని అసెంబ్లీలో తీర్మానం చేస్తాం: సీఎం