పారిశుద్ధ్య కార్మికులకు పాదాభివందనం

కరోనా వైరస్ కట్టడిలో సైనికుల్లా పనిచేస్తూ విధులు నిర్వహిస్తున్న పారిశుద్ధ్య కార్మికులకు ఎమ్మెల్యే ముత్తి రెడ్డి యాదగిరి రెడ్డి, ప్రభుత్వ చీఫ్​ విప్ వెంకటేశ్వర్లు పాదాభివందనం చేశారు. ఈ సందర్భంగా వారి సేవలను ప్రశంసించారు.

జనగామ జిల్లా కేంద్రంలో కరోనా కట్టడికి కృషి చేస్తున్న ఆశా కార్యకర్తలు, మున్సిపల్ సిబ్బందికి వస్విక్ ఫౌండేషన్ ఆధ్వర్యంలో నిత్యావసర సరుకులు పంపిణీ చేశారు. ఈ కార్యక్రమంలో ముఖ్య అతిథులుగా ప్రభుత్వ చీఫ్​ విప్ వెంకటేశ్వర్లు, ఎమ్మెల్యే ముత్తి రెడ్డి యాదగిరి రెడ్డి వారికి సరుకులను అందజేశారు.

అనంతరం పారిశుద్ధ్య కార్మికులను సన్మానించి పాదాభివందనం చేశారు. ఈ కార్యక్రమంలో మున్సిపల్ ఛైర్మన్ జమున, ఫౌండేషన్ ఛైర్మన్ నరేష్, వైస్ ఛైర్మన్ భాస్కర్ రెడ్డి పాల్గొన్నారు.