Harishrao on Jamili Elections : 'జమిలి వచ్చినా.. ఎన్ని జిమ్మిక్కులు చేసినా వచ్చే ఎన్నికల్లో గెలుపు బీఆర్​ఎస్​దే'

Harishrao Comments on Jamili Elections : జమిలి ఎన్నికలు వచ్చినా.. ఎన్ని జిమ్మిక్కులు చేసినా వచ్చే అసెంబ్లీ ఎన్నికల్లో బీఆర్​ఎస్​ గెలుపు తథ్యమని మంత్రి హరీశ్​రావు ధీమా వ్యక్తం చేశారు. 2024 ఎన్నికల్లో జాతీయ రాజకీయాల్లో భారత్​ రాష్ట్ర సమితి కీలక పాత్ర పోషించడం ఖాయమని స్పష్టం చేశారు. జనగామ జిల్లా వల్మిడిలో శ్రీ సీతారాముల విగ్రహ ప్రతిష్ఠాపన కార్యక్రమంలో ఆయన పాల్గొన్నారు. అనంతరం ఎమ్మెల్యే క్యాంప్​ కార్యాలయంలో మాట్లాడిన హరీశ్​రావు.. కాంగ్రెస్​ తీరు చెల్లని రూపాయి చందంగా మారిందని ఎద్దేవా చేశారు.

Harishrao Fires on Congress : జమిలి ఎన్నికల (Jamili Elections) కోసం వేసిన కమిటీలో దక్షిణాది రాష్ట్రాల వారికి చోటు కల్పించకపోవడం బాధాకరమని వైద్య ఆరోగ్య శాఖ మంత్రి హరీశ్​రావు అభిప్రాయపడ్డారు. జమిలి వచ్చినా.. ఏం జంబ్లింగ్ చేసినా రాబోయే అసెంబ్లీ ఎన్నికల్లో బీఆర్​ఎస్​ గెలుపు తథ్యమని మంత్రి ధీమా వ్యక్తం చేశారు. 2024 ఎన్నికల్లో జాతీయ రాజకీయాల్లో బీఆర్​ఎస్​ కీలక పాత్ర పోషించడం ఖాయమని ఆయన స్పష్టం చేశారు. జనగామ జిల్లా వల్మిడికి వచ్చిన ఆయన.. శ్రీ సీతారాముల విగ్రహ ప్రతిష్ఠాపన కార్యక్రమంలో పాల్గొన్నారు. చినజీయర్ స్వామి చేతుల మీదుగా ఎంతో వైభవంగా జరిగిన ఈ కార్యక్రమంలో మంత్రులు ఎర్రబెల్లి దయాకర్​, సత్యవతి రాథోడ్​ పాల్గొన్నారు.

Harishrao fires on Congress Declaration : అనంతరం పాలకుర్తి ఎమ్మెల్యే క్యాంపు కార్యాలయంలో మీడియాతో మాట్లాడారు. ఈ సందర్భంగా కాంగ్రెస్​పై తన శైలీలో విమర్శలు చేశారు. డిక్లరేషన్ల (Congress Declarations) పేరుతో కాంగ్రెస్ కొత్త నాటకాలకు తెరలేపుతోందని ఎద్దేవా చేశారు. కాంగ్రెస్ తీరు చెల్లని రూపాయి చందంగా మారిందని హరీశ్​రావు విమర్శించారు. ఎవరెన్ని జిమ్మిక్కులు చేసిన.. వచ్చే శాసన సభ ఎన్నికల్లో బీఆర్​ఎస్​ (BRS) హ్యాట్రిక్​ సాధించి కేసీఆర్​ మూడోసారి సీఎం అవుతారని ధీమ వ్యక్తం చేశారు.

Harishrao Fires on BJP : ఈ సందర్భంగా బీజేపీపై ఘాటు విమర్శలు చేశారు. దేశంలో బీజేపీ పరిస్థితి బాగాలేదని.. ఓడిపోతామన్న భయం ఆ పార్టీలో పట్టుకుందన్నారు. అందుకే ఎన్నికల వేళ జమిలి డ్రామాలకు తెరలేపారని హరీశ్​రావు ఆరోపించారు. జమిలి ఎన్నికల కోసం వేసిన కమిటీలో దక్షిణాది వారికి చోటు కల్పించకపోవడం కేంద్ర వివక్షకు నిదర్శనమని హరీశ్​రావు అన్నారు. ప్రజలు అబద్దాల ఉచ్చులో పడి మోసపోవద్దని ఈ సందర్భంగా సూచించారు. మంత్రి ఎర్రబెల్లి దయాకర్​ రావు (Errabelli Dayakar Rao) కోరిక మేరకు పాలకుర్తి మండలానికి త్వరలోనే 50 పడకల ఆసుపత్రి మంజూరు చేస్తున్నట్లు హరీశ్​రావు ప్రకటించారు.

"ఓటమి భయంతోనే బీజేపీ జమిలి ఎన్నికలకు సిద్ధమయింది. జమిలి కమిటీలో దక్షిణ భారత్‌కు అవకాశమే ఇవ్వలేదు. దక్షిణ భారతదేశం పట్ల బీజేపీ వివక్షత చూపుతోంది. బీజేపీ ఎన్ని జిమ్మిక్కులు చేసిన తెలంగాణలో బీఆర్​ఎస్​ పార్టీదే అధికారం. కేంద్రంలోనూ బీఆర్​ఎస్​ కీలక పాత్ర పోషిస్తుంది. అబద్దాల ఉచ్చులో ప్రజలు పడొద్దు. కేసీఆర్ మరోసారి సీఎం అయితేనే అభివృద్ధి, సంక్షేమం. జమిలి వచ్చినా.. ఎన్ని జిమ్మిక్కులు చేసినా గెలుపు బీఆర్​ఎస్​దే." - హరీశ్‌రావు, వైద్యఆరోగ్య శాఖ మంత్రి