శ్రీరాంసాగర్ ప్రాజెక్టులోకి కాళేశ్వరం నీళ్లను ఎత్తిపోస్తామని చెప్పిన సీఎం కేసీఆర్..నీటిని ఎందుకు తరలిస్తున్నారని కాంగ్రెస్ ఎమ్మెల్సీ జీవన్రెడ్డి మండిపడ్డారు. జగిత్యాల జిల్లా కేంద్రంలో జీవన్రెడ్డి మీడియా సమావేశంలో పాల్గొన్నారు. ప్రాజెక్టులో నీళ్లు లేక రైతులు ఇబ్బంది పడుతుంటే.. 4 వేల క్యూసెక్కుల నీటిని ఎల్‌ఎండీకి ఎందుకు తరలిస్తున్నారని ప్రశ్నించారు. ఇలా చేయడం వల్ల ఈ ప్రాంత రైతులు ఆగ్రహానికి గురవుతారని హెచ్చరించారు. వెంటనే నీటి తరలింపు ఆపకపోతే ఆందోళన చేస్తామన్నారు. యూరియా కొరతతో రైతన్నలు ఇబ్బందులు ఎదుర్కొంటున్నారని విమర్శించారు.
ఎస్సారెస్పీలోని నీటిని ఎందుకు తరలించారు
