Daaku Maharaj Pre Release Event : నందమూరి నటసింహం బాలకృష్ణ రా అండ్ రస్టిక్ లుక్లో అభిమానులను అలరించేందుకు సిద్ధమయ్యారు. ఆయన లీడ్ రోల్లో బాబీ డైరెక్ట్ చేసిన 'డాకు మాహారాజ్' సంక్రాంతి కానుకగా థియేటర్లలో సందడి చేయనుంది. ఈ క్రమంలో తాజాగా మేకర్స్ ప్రీ రిలీజ్ ఈవెంట్ నిర్వహించగా, దానికి బాలయ్యతో పాటు మూవీ టీమ్ హాజరై సందడి చేశారు. అయితే అందులో మ్యూజిక్ తమన్ కామెంట్స్ ప్రస్తుతం నెట్టింట తెగ వైరల్ అవుతోంది.
స్పీకర్లు కాలీపోతాయ్!
బాలయ్య సినిమాలో తన మ్యూజిక్కు స్పీకర్లు కాలిపోతాయ్ అంటూ తమన్ కాన్ఫిడెంట్గా చెప్పారు. వారిద్దరి కాంబోలో వచ్చే సినిమాలో పాటలకు ఆ రేంజ్ ఉందని అన్నారు.
"చాలా ఆడియో ఫంక్షన్స్లో చెప్పాను. చాలా ఫంక్షన్స్లో చెప్పాను. బాలయ్య గారు సినిమా అంటే ఇక అంటే స్పీకర్లు కాలిపోతాయ్, కాలిపోనీ నాకు సంబంధం లేదు. ఫ్లైట్ టేకాఫ్ అవుతోందంటే స్పీకర్లు పెట్టుకోవాలంటారు. బాలయ్య గారు నాది సినిమా వస్తే స్పీకర్లు రెడీగా పెట్టుకోండి. మేమేం చేయలేం అంతే. ఇదేదో వార్నింగ్ కాదు. సినిమాలోనే ఆ హై ఉంది. ఆయనే ఇస్తున్నారు." అంటూ సినిమాలోని మ్యూజిక్ గురించి తమన్ ధీమా వ్యక్తం చేశారు.
