జగిత్యాల జిల్లా మెట్పల్లి వ్యవసాయ మార్కెట్లో పసుపు క్వింటాలు ధర గరిష్ఠంగా రూ.8889 పలకడం రైతుల మోముల్లో చిరునవ్వులు కురిపిస్తోంది. ఈ ఏడాది పసుపు ధరలు రోజు రోజుకు ఎగబాకడం రైతులకు సంతోషాన్ని కలిగిస్తోంది. వ్యవసాయ మార్కెట్లో ఈనామ్ ద్వారా వ్యాపారులు పసుపును కొనుగోలు చేస్తున్నారు.
ఈ విధానంలో కాడిరకం 10089, గోల రకం 3943, చూర రకం 836 క్వింటాళ్ల పసుపును కొనుగోళ్లు జరిగినట్లు మార్కెట్ అధికారులు వెల్లడించారు. దళారులను నమ్మి మోసపోకుండా రైతులు మంచి పసుపును తీసుకొస్తే అనుకున్న ధర లభిస్తుందని రైతులకు సూచించారు. మార్కెట్లో పసుపు ధరలు పెరగడం రైతులు కళ్లలో సంతోషం కనిపిస్తోంది.
