ఆర్టీసీ సంస్థ వివిధ మార్గాల ద్వారా ఆదాయం ఆర్జించేందుకు ప్రయత్నిస్తోంది. ఆర్టీసీ ద్వారా నిరుద్యోగ యువతకు డ్రైవర్లుగా శిక్షణ ఇస్తోంది. ఇందులో భాగంగా జగిత్యాల డిపోలో తొలిసారిగా శిక్షణ తరగతులను ఏర్పాటు చేసింది. గతేడాది డిసెంబర్‌లో మంత్రి కొప్పుల ఈశ్వర్‌ తరగతులను ప్రారంభించారు. తొలిబ్యాచ్‌లో 9 మందికి శిక్షణ ఇచ్చి.. సర్టిఫికెట్లు అందించారు.
శిక్షణ పొందాలంటే..
ఈ శిక్షణ పొందాలంటే 15,600 రూపాయలు చెల్లించాల్సి ఉంటుంది. ప్రస్తుతం రెండో బ్యాచ్‌కు శిక్షణ ఇస్తున్నామని... చివరి దశకు చేరిందని జగిత్యాల డిపో మేనేజర్ వెల్లడించారు. ఇందులో 16 మంది ఉండగా.. వారికి థియరీ, ప్రాక్టికల్‌ రూపంలో తరగతులు నిర్వహిస్తున్నామని తెలిపారు. ఓ ప్రత్యేక బస్సును కేటాయించి శిక్షకుడు, సహాయ ఇంజినీర్‌ను ఏర్పాటు చేశామని చెప్పారు.
ఎస్సీ, ఎస్టీలకు ఉచితం
ఎస్సీ, ఎస్టీలకు కార్పొరేషన్‌ ద్వారా ఉచితంగా శిక్షణ అందిస్తున్నారు. మరికొందరు డబ్బులు తీసుకుని నేర్పిస్తున్నారు. ఇది ఎంతో ఉపయోగకరంగా ఉందని యువకులు తెలిపారు. ఇప్పటికే మూడో బ్యాచ్‌కి సైతం యువకులు దరఖాస్తు చేసుకున్నారని అధికారులు వెల్లడించారు.
ఇదీ చదవండి: రెండోరోజూ విద్యార్థుల హాజరు అంతంత మాత్రమే!
