రీపోలింగ్​ నిర్వహించాల్సిందేనంటూ ధర్నా..

జగిత్యాల జిల్లా ఆత్మకూరులో సర్పంచ్​ పోలింగ్​పై వివాదం నెలకొంది. ఎన్నికల్లో అక్రమాలు జరిగాయని రీపోలింగ్​ జరిపించాలంటూ ఓటమి పాలైన అభ్యర్థులు, మద్దతుదారులతో ధర్నాకు దిగారు.

జగిత్యాల జిల్లా మెట్​పల్లి మండలం ఆత్మకూరులో సర్పంచ్​ ఎన్నికల్లో ఓటమి పాలైన అభ్యర్థుల రీపోలింగ్ పోరాటం కొనసాగుతోంది. ఇవాళ మద్దతుదారులతో కలిసి గ్రామంలో ఆందోళన చేపట్టారు. రెండో విడత జరిగిన సర్పంచ్​ ఎన్నికల్లో అవకతవకలు పాల్పడ్డరని పంచాయతీ కార్యాలయం ముందు ధర్నాకు దిగారు.

సమాచారం అందుకున్న పోలీసులు, అధికారులు వారికి నచ్చేజెప్పే ప్రయత్నం చేసినా వినిపించుకోలేదు. న్యాయం జరిగే వరకు ఆందోళన కొనసాగిస్తామని స్పష్టం చేశారు. ఓడిన అభ్యర్థులు... ఇప్పటికే హైదరాబాద్​లో ఎన్నికల సంఘం అధికారులను కలిసి రీపోలింగ్‌ జరిపించాలని కోరారు.