జగిత్యాలలో దొంగ అరెస్ట్​

జగిత్యాల పట్టణంలో నవంబర్​ నెలలో వరుస దొంగతనాలతో కలకలం సృష్టించిన నిందితుడి పోలీసులు పట్టుకున్నారు. రెండున్నర తులాల బంగారం, ద్విచక్రవాహనం, చరవాణి స్వాధీనం చేసుకున్నారు.

జగిత్యాల పట్టణంలో వరుస దొంగతనాలతో పోలీసులకు సవాలుగా మారిన నిందితుడిని పోలీసులు కటకటాలవెనక్కి నెట్టారు. మెట్​పల్లి మండలం వెల్లుల్లకు చెందిన బోదాసు మహేశ్​ను అరెస్ట్​చేశారు. దొంగతనాలు జరిగిన ప్రదేశాల్లో లభించిన సాక్ష్యాల ఆధారంగా కేసును ఛేదించినట్లు పోలీసులు తెలిపారు. రెండున్న తులాల బంగారం, ద్విచక్రవాహనం, చరవాణి స్వాధీనం చేసుకుని నిందితుడిని రిమాండ్​కు తరలించిన్నట్లు జగిత్యాల ఏఎస్పీ దక్షిణామూర్తి తెలిపారు. నిందితుడిపై పలు స్టేషన్ల పరిధిలో కేసులు ఉన్నట్లు గుర్తించారు.

ఇదీ చూడండి: '90 ml పేరు మార్చండి... వీటి వల్లే యువత పెడదారి'