రాష్ట్ర ప్రభుత్వం ప్రవేశపెట్టిన ధరణి పోర్టల్ లోపాలు ప్రజల పాలిట శాపంగా మారాయని కాంగ్రెస్ ఎమ్మెల్సీ జీవన్రెడ్డి ఆరోపించారు. వారసత్వ ఆస్తికి సంబంధించి మళ్లీ రిజిస్ట్రేషన్ చేయడం హక్కులకు భంగం కలిగించడమేనన్నారు. ఎకరాకు రూ.2500 వసూలు చేస్తూ కొత్తదోపిడీకి తెర తీశారని జగిత్యాలలో నిర్వహించిన మీడియా సమావేశంలో విమర్శించారు.
కుటుంబాలు లేనివారు ఏదైనా ట్రస్ట్కు ఇవ్వాలంటే అవకాశం లేదని, రైతులకు పట్టదారు పాసుపుస్తకాలు ఎందుకివ్వలేదని ప్రశ్నించారు. ధరణి పోర్టల్, ఎల్ఆర్ఎస్పై ప్రజలకు స్పష్టతనివ్వాలని డిమాండ్ చేశారు. సీఎం ఒంటెద్దు పోకడలతో రాష్ట్రంలో అభివృద్ధి పూర్తిగా నిలిచిపోయిందని ఆయన మండిపడ్డారు. ప్రభుత్వం బేషజాలకు పోకుండా ధరణికి సంబంధించిన విధివిధానాలపై వివరాలను వెల్లడించాలని జీవన్రెడ్డి పేర్కొన్నారు.
