మాస్కు ధరించమని అడిగినందుకు ఆత్మహత్యాయత్నం

మాస్కు ఎందుకు ధరించలేదని ప్రశ్నించినందుకు ఓ యువకుడు భవనంపై నుంచి దూకుతానని బెదిరింపులకు పాల్పడిన ఘటన జగిత్యాల జిల్లాలో చోటుచేసుకుంది. రంగంలోకి దిగిన పోలీసులు అతనికి సర్దిచెప్పి దింపేశారు.

జగిత్యాల జిల్లా కోరుట్లలో ఆర్మూర్ డిపోకు చెందిన ఆర్టీసీ బస్సులో ఓ వ్యక్తి మాస్కు ధరించకుండా ప్రయాణించాడు. అతణ్ని మాస్కు ఏదని కండక్టర్ అడగడం వల్ల వాగ్వాదానికి దిగాడు. కొంతసేపటి తర్వాత బస్సు దిగిన యువకుడు పక్కనే ఉన్న భవనంపై ఎక్కి బెదిరింపులకు పాల్పడ్డాడు.

నాలుగు అంతస్తుల భవనంపైకి ఎక్కి ప్రాణాలు తీసుకుంటానని హల్​చల్ చేశాడు. చివరకు రంగంలోకి దిగిన పోలీసులు యువకుణ్ని దింపేశారు.

• ఇవీ చూడండి: రాష్ట్రంలో కొత్తగా 5,695 కరోనా కేసులు, 49 మరణాలు