జగిత్యాలకు దీటుగా రాయికల్​ను చేస్తా: కవిత

కాంగ్రెస్ హయంలో రాయికల్​కు అది చేస్తాం.. ఇది చేస్తాం అని చెప్పిన నాయకులు గెలిచిన తర్వాత ఈ ప్రాంత అభివృద్ధిని విస్మరించారని నిజామాబాద్ ఎంపీ కల్వకుంట్ల కవిత ఆరోపించారు. రాయికల్​లో ఎన్నికల ప్రచార సభలో నియోజకవర్గానికి చేసిన పనులను ఆమె వివరించారు.

జగిత్యాల పట్టణాన్ని మించి రాయికల్​ను తీర్చిదిద్దుతామన్నారు నిజామాబాద్ ఎంపీ కవిత. ఈ ప్రాంత అభివృద్ధి కోసం రూ.25 కోట్లు కేటాయించామని తెలిపారు. రూ.70 కోట్లతో బోర్లకుంట వంతెన పనులు చేపట్టినట్లు ఎంపీ స్పష్టం చేశారు. రాయికల్​ నుంచి మేడిపల్లి వరకు జాతీయ రహదారి కోసం దిల్లీలో కోట్లాడి రూ.16 కోట్లు మంజూరు చేయించినట్లు పేర్కొన్నారు. ప్రస్తుతం ఆ పనులు కూడా నడుస్తున్నాయన్నారు. విద్య, వైద్యం, బీడీ కార్మికులు, తదితర సమస్యలపై ఈ ప్రాంత అభివృద్ధి కోసం కృషి చేస్తానని భరోసా కల్పించారు. ప్రజల సమ్మతంతో రాయికల్ మండలం నుంచి మరో మండలాన్ని కూడా ఏర్పాటు చేస్తామని హామీ ఇచ్చారు.

ఇవీ చూడండి: భద్రాద్రిలో తిరుకల్యాణ బ్రహ్మోత్సవాలు