కరోనా ఉద్ధృతిని తగ్గించేందుకు ప్రభుత్వం విధించిన లాక్డౌన్ను పోలీసులు పకడ్బందీగా నిర్వహిస్తున్నారు. జగిత్యాల జిల్లా మెట్పల్లి, కోరుట్ల పట్టణాల్లో లాక్డౌన్ పటినష్ఠంగా అమలవుతోంది. ఉదయం 10 గంటలు దాటిన తర్వాత అనుమతుల్లేని వాహనాలను పోలీసులు సీజ్ చేస్తున్నారు. జాతీయ రహదారిపై ప్రధాన కూడలి వద్ద చెక్పోస్ట్ ఏర్పాటు చేసి వాహనాలను తనిఖీ చేస్తున్నారు.
అనవసరంగా రోడ్లపైకి వస్తున్న వారిని హెచ్చరిస్తూ వాహనాలను సీజ్ చేసి తగిన జరిమానా విధిస్తున్నారు. ప్రతిరోజు ఉదయం 10 గంటలకే దుకాణాలు మూసి వేయాలని, ప్రజలెవరూ బయటకు రావద్దని ప్రత్యేక వాహనాల ద్వారా పట్టణాల్లో ప్రచారం చేస్తున్నారు. లాక్డౌన్ సమయంలో అనుమతి లేకుండా తెరిచి ఉంచిన దుకాణాలకు మున్సిపల్ అధికారులు జరిమానా విధిస్తున్నారు.
