కన్నాపూర్​లో వరికోత యంత్రాలపై సర్పంచ్​ పన్ను

నిబంధనలకు విరుద్ధంగా జగిత్యాల జిల్లా కన్నాపూర్​ సర్పంచ్​ వరికోత యంత్రంపై పన్ను విధించారు. రైతుల ద్వారా విషయం తెలుసుకున్న జిల్లా కలెక్టర్​ గుగులోతు రవి సర్పంచ్​కి షోకాజ్​ నోటీసులు జారీ చేశారు.

వరి కోతలు సజావుగా సాగేందుకు ప్రభుత్వం వరికోత యంత్రాలను ప్రొత్సహిస్తుంటే.. జగిత్యాల జిల్లా కన్నాపూర్‌ గ్రామ సర్పంచ్​ మాత్రం ఊళ్లో వరి కోతలు కోయాలంటే రెండు వేల పన్ను కట్టించుకున్నాడు. వాస్తవానికి వరి కోత యంత్రానికి గ్రామ పంచాయతీలు ఎటువంటి పన్ను వేయరాదు.

జగిత్యాల రూరల్‌ ఠాణాలో సర్పంచ్​ కొక్కు సుధాకర్‌పై కొందరు రైతులు ఫిర్యాదు చేశారు. కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు. ఇదిలా ఉండగా జిల్లా కలెక్టర్‌ గుగులోతు రవి ఈ వ్యవహారంపై సర్పంచ్​కు షోకాజ్​ నోటిసులు జారీ చేశారు.

ఇదీ చూడండి:- 'లాక్​డౌన్​ లేకపోతే మన పరిస్థితి ఎలా ఉండేదో?'