జగిత్యాల జిల్లాలోని కొండగట్టు ఆంజనేయ స్వామి ఆలయంలో.. హనుమాన్‌ జయంతి ఉత్సవాలు ప్రారంభమయ్యాయి. మంగళవారం అంకురార్పణతో మొదలైన ఈ వేడుకలు మూడు రోజుల పాటు జరుగనున్నాయి. లాక్డౌన్ కారణంగా భక్తులను అనుమతించకుండా ఉత్సవాలను అంతర్గతంగా నిర్వహించనున్నట్లు ఆలయ అర్చకులు తెలిపారు.
బుధవారం వేకువజాము నుంచి స్వామి వారికి ప్రత్యేక పూజలు, అభిషేకాలు నిర్వహించనున్నట్లు ఆలయ ఈవో చంద్రశేఖర్‌ తెలిపారు. లాక్డౌన్ కారణంగా గతేడాది కూడా ఉత్సవాలను నిరాడంబరంగానే జరిపామన్నారు. ఉత్సవాలకు రాష్ట్రవ్యాప్తంగా సుమారు నాలుగు లక్షల మంది భక్తులు హాజరయ్యేవారని గుర్తు చేశారు.
ఇదీ చదవండి: ఐఐఎంలో సీటు సాధించిన గిరిజన విద్యార్థులను అభినందించిన మంత్రి సత్యవతి
