తెలంగాణ గల్ఫ్ గంగపుత్ర ఐక్యత సంక్షేమ సంఘం క్యాలెండర్ దుబాయ్లో ఆవిష్కరించడం జరిగింది. గల్ఫ్లో ఉన్న గంగపుత్రులు అధిక సంఖ్యలో పాల్గొని.. కాల్యెండర్ను ఆవిష్కరించారు. రాష్ట్రంలో గంగపుత్రులు అనేక ఇబ్బందులు పడుతున్నారని గంగపుత్ర ఐక్యత సంక్షేమ సంఘం అధ్యక్షులు సముద్రాల తిరుపతి పేర్కొన్నారు. రాష్ట్రంలో ఎక్కడపడితే అక్కడ చెరువు భూకబ్జాకు గురవుతున్నాయని ఆరోపించారు. చెరువుల్లో నీరు లేక గంగపుత్రులు ఇబ్బంది పడుతున్నారని తెలిపారు. జీవో నంబర్ 6 వల్ల గంగపుత్రులకు నష్టం జరుగుతుందని వెల్లడించారు.
'గల్ఫ్ వాసులకు వ్యాక్సిన్ కావాలి'
కొవిడ్ వ్యాప్తి దృష్ట్యా గల్ఫ్లో ప్రవాస భారతీయులు కష్టాల్లో ఉన్నందున తమను ఆదుకోవాలని తిరుపతి గంగపుత్ర కోరారు. కేంద్ర రాష్ట్ర ప్రభుత్వాలు గల్ఫ్ వాసులకు కరోనా వ్యాక్సిన్ను అందజేసేందుకు ప్రత్యేక ఏర్పాట్లు చేయాలన్నారు. తెలంగాణలో జీఓ నెం 6 అమలు తర్వాత ఏర్పాటు చేసిన బోగస్ మత్స్య సొసైటీలను రద్దు చేయాలని తిరుపతి డిమాండ్ చేశారు.
- ఇదీ చదవండి : ఆక్సిజన్ కొరతతో 20 మంది రోగులు మృతి
