మంత్రులు ఎర్రబెల్లి, కొప్పులకు చేదు అనుభవం

మంత్రులు ఎర్రబెల్లి దయాకర్​ రావు, కొప్పుల ఈశ్వర్​కు చేదు అనుభవం ఎదురైంది. జగిత్యాల జిల్లా రామ్​సాగర్​లో మంత్రుల కాన్వాయ్​ని గ్రామస్థులు అడ్డుకున్నారు.  తమకు సాగునీరు అందించాలని డిమాండ్​ చేశారు.

జగిత్యాల కొడిమ్యాల మండలం రామ్‌సాగర్‌లో సంక్షేమ శాఖ మంత్రి కొప్పుల ఈశ్వర్​, పంచాయతీరాజ్​ శాఖ మంత్రి ఎర్రబెల్లి దయాకర్​ రావుకు చేదు అనుభవం ఎదురైంది. రామ్‌సాగర్‌ వాసులు మంత్రుల కాన్వాయ్​ని అడ్డుకున్నారు. నీరులేక తమపొలాలు ఎండిపోతున్నాయని ఆవేదన వ్యక్తం చేశారు. తమకు సాగునీరు అందించాలని రైతులు డిమాండ్ చేశారు. కొండగట్టు బస్సు ప్రమాద బాధితులకు ఇచ్చిన హామీలు ఇప్పటి వరకూ నెరవేలేదని ఆగ్రహం వ్యక్తం చేశారు.

ఇవీచూడండి: నియోజకవర్గ అభివృద్ధి నిధులకు బ్రేక్​?