చిన్న చేతులు.. పెద్ద మనస్సులు.. భారీ సాయం

చిన్నారులే కానీ పెద్దమనస్సున్న మారాజులు.. లాక్​డౌన్​ నేపథ్యంలో మందులు కొనుక్కోలేని పేద వారికి సాయంగా చిన్నారులు తమతమ గల్లాబుడ్డీల్లో జమ చేసుకున్న డబ్బులను విరాళంగా ఇచ్చి శభాష్ అనిపించుకున్నారు.

రంగారెడ్డి జిల్లా జల్​పల్లి గ్రామంలో అనారోగ్యంతో బాధపడుతూ.. మందులు కొనుక్కోలేని పేద వృద్ధులకు పెద్దమనస్సుతో సాయం చేసేందుకు చిన్ని చేతులు కదిలొచ్చాయి. అదే గ్రామంలో నివసిస్తున్న 9వ తరగతి చదువుతున్న విష్ణువర్ధన్​ అనే చిన్నారి తన తండ్రి వాట్సాప్ గ్రూపులో వచ్చిన సమాచారం చూసి తాను పొదుపు చేసుకున్న డబ్బును విరాళంగా ఇచ్చాడు.

తన గల్లాబుడ్డి పగలగొట్టి అందులో ఉన్న రూ. 10 వేల ఒక వందను, అది చూసిన సోదరుడు హర్షవర్ధన్ రూ. 11వందలను వృద్ధుల కొరకు విరాళంగా అందజేశారు. అది చూసిన విష్టు తండ్రి శ్రీనివాస్​.. తన తరుఫున రూ. 10 వేల చెక్కును జల్​పల్లి కౌన్సిలర్ యాదగిరికి అందించారు. ఇది చూసిన స్థానికులు, పెద్దలు, చిన్నారులను అభినందించారు.

" మా నాన్న వాట్సాప్​ గ్రూపులో వచ్చిన మెస్సేజ్​ చూసి నా గల్లాలోని డబ్బులును కౌన్సిలర్​కి ఇచ్చాను- విష్ణువర్ధన్​"

ఇదీ చూడండి: రాష్ట్రంలో 404కి చేరిన కరోనా పాజిటివ్ కేసుల సంఖ్య