రోజురోజుకు కలుషితమవుతున్న ప్రకృతిని కాపాడుకునేందుకు యుగతులసి, గో సేన ఫౌండేషన్ శ్రీకారం చుట్టింది. షిర్డీ సాయినాథుని పవిత్ర ధునిలో కట్టెల బదులుగా గో పిడకలను వినియోగించడానికి పంపిస్తున్నట్లు ఫౌండేషన్ ఛైర్మన్, టీటీడీ పాలకమండలి సభ్యుడు కొలిశెట్టి శివకుమార్ తెలిపారు.
ఈ సందర్భంగా ఖైరతాబాద్ మింట్ కాంపౌండ్లోని శ్రీత్రిశక్తి హనుమాన్ దేవస్థానం నుంచి షిర్డీకి వెళ్లే గో పిడకల ట్రక్కును శివకుమార్ ప్రారంభించారు. చెట్లను నరికి మొద్దులను ధునిలో కాల్చే ప్రక్రియను ఆపి.. సహాజసిద్ధమైన పిడకలను వాడాలని షిర్డీ సంస్థాన్ అధికారులు సూచించినట్లు.. దానికి వారు సమ్మతించారని పేర్కొన్నారు.
ఈ పిడకలను కాల్చడం వల్ల ఆక్సిజన్ ఉత్పత్తి కావడమే కాకుండా.. ఈ విపత్కర పరిస్థితుల్లో ప్రజలకు మేలు చేసినవాళ్లమవుతామని పేర్కొన్నారు. దేశవ్యాప్తంగా ఉన్న సాయిబాబా ఆలయాల్లో నిత్యం ధునిలో కాల్చే చెట్ల కట్టెలకు బదులు పిడకలు వాడే విధంగా గోశాల నిర్వహకులు సహకరించాలని శివకుమార్ కోరారు. అలాగే భవిష్యత్తులో స్మశానవాటికలో దహనం చేసే మృతదేహాలకు కట్టెలకు బదులు పిడకలతో దహనం చేసే విధంగా సన్నహాలు చేస్తున్నట్లు స్పష్టం చేశారు.
- ఇదీ చదవండి అంబులెన్స్లో గర్భిణి మృతిపై హైకోర్టు ఆందోళన
