'అంబేడ్కర్‌ రాసిన రాజ్యాంగం వల్లే రాష్ట్రం ఏర్పడింది'

రాజ్యాంగ నిర్మాత అంబేడ్కర్​కు నివాళులర్పించేందుకు ముఖ్యమంత్రి కేసీఆర్​కు సమయం లేకపోవడం బాధాకరమని వైఎస్​ షర్మిల ప్రధాన అనుచరురాలు ఇందిరా శోభన్​ విమర్శించారు. రాజ్యాంగం ప్రకారం తెలంగాణ తెచ్చుకున్నా.. రాష్ట్రప్రభుత్వం ఆ రాజ్యాంగాన్ని తుంగలో తొక్కుతోందని​ మండిపడ్డారు. అంబేడ్కర్​ జయంతి సందర్భంగా ఆమె నివాళులర్పించారు.

డాక్టర్​ బి.ఆర్​. అంబేడ్కర్‌ రాసిన రాజ్యాంగం వల్లే తెలంగాణ రాష్ట్రం ఏర్పడిందని వైఎస్‌ షర్మిల ప్రధాన అనుచరురాలు ఇందిరా శోభన్‌ పేర్కొన్నారు. అంబేడ్కర్​ 130వ జయంతి సందర్భంగా ట్యాంక్‌బండ్‌పై ఉన్న ఆయన విగ్రహానికి పూలమాల వేసి నివాళులర్పించారు.

ఈ సందర్భంగా రాజ్యాంగం ప్రకారం తెలంగాణ తెచ్చుకున్నా.. రాష్ట్రప్రభుత్వం ఆ రాజ్యాంగాన్ని తుంగలో తొక్కుతోందని ఇందిరా శోభన్​ మండిపడ్డారు. రాజ్యాంగ నిర్మాత అంబేడ్కర్​కు నివాళులర్పించేందుకు ముఖ్యమంత్రి కేసీఆర్​కు సమయం లేకపోవడం బాధాకరమన్నారు. రాష్ట్ర ప్రజల ఆత్మగౌరవం కోసం మరో పోరాటం చేయాల్సిన అవసరం ఎంతైనా ఉందన్నారు.