కాళేశ్వరం ప్రాజెక్టులోని పంప్హౌస్లు, కాల్వలు, జలాశయాలను సమర్థంగా నిర్వహించేందుకు హైదరాబాద్లోని జలసౌధలో ఇంజినీర్ ఇన్ చీఫ్ మురళీధర్ కార్యశాలను నిర్వహించారు. ఆధునిక సాంకేతిక పరిజ్ఞానం ఆధారంగా మొబైల్ యాప్ను తయారు చేస్తున్నామని ఆయన తెలిపారు. ఇందుకు సంబంధించిన డెసిషన్ సపోర్ట్ సిస్టంపై గోదావరి బేసిన్ ఇంజినీర్లతో చర్చించారు.
మొబైల్ యాప్పై శిక్షణ
జలాశయాల్లో ఉన్న నీరు, ఆయకట్టు వివరాలు, భూగర్భ జలాల పరిస్థితి, వర్షపాతం వివరాల కోసం ప్రత్యేక సాఫ్ట్వేర్తో పాటు మొబైల్ యాప్పై ఇంజినీర్లకు శిక్షణ ఇస్తామని మురళీధర్ తెలియజేశారు. సీఎం తన కార్యాలయం నుంచే ఆదేశాలు ఇచ్చేందుకు ఈ వ్యవస్థ ఉపయోగపడుతుందన్నారు.
ప్రాజెక్టుల వద్ద సెన్సార్లు
డెసిషన్ సపోర్ట్ సిస్టంలో నీటి పరిమాణం, వాతావరణ అంచనాలను పొందుపరుస్తామని సాఫ్ట్వేర్ రూపొందించిన వస్సర్ ల్యాబ్స్ ప్రతినిధులు వెల్లడించారు. సెంట్రల్ కమాండ్ కేంద్రంతో పాటు మరో మూడు స్థానిక కమాండ్ కేంద్రాలు, ప్రాజెక్టుల వద్ద సెన్సార్లు ఏర్పాటు చేస్తామని తెలిపారు. యూరోపియన్ స్పేస్ ఏజెన్సీ సమాచారం ఆధారంగా వారం, నెల రోజుల ముందస్తు వర్షపాతం, వరద ప్రవాహాలు అంచనా వేసేలా రూపొందిస్తామని సాఫ్ట్వేర్ కంపెనీ ప్రతినిధులు పేర్కొన్నారు.
