వక్ఫ్ భూములు కబ్జాచేసిన వారిని జైలుకు పంపిస్తామని బోర్డు ఛైర్మన్ మహమ్మద్ సలీమ్ తెలిపారు. రంగారెడ్డి జిల్లా పహడి షరీఫ్, మామిడిపల్లిలోని ఆక్రమణకు గురైన వక్ఫ్ బోర్డు భూములను అధికారులతో కలిసి ఆయన పరిశీలించారు. ఆయా ప్రాంతాల్లోని అక్రమ నిర్మాణాలపై ఆరాతీశారు.
మామిడిపల్లిలోని సైఫ్ జంగ్ అలీసాద్ వక్ఫ్ భూములు 718 ఎకరాల్లో 70 శాతం కబ్జాకు గురైందని తెలిపారు. నకిలీ పట్టాలు సృష్టించి రిజిస్ట్రేషన్లు చేసుకున్నారని పేర్కొన్నారు. తమ భూములు కబ్జా చేసినవారిని జైలుకు పంపుతామన్నారు. ఆయా రిజిస్ట్రేషన్లు రద్దు చేస్తామన్నారు.
అనంతరం హైదరాబాద్ బండ్లగూడలోని వక్ఫ్ బోర్డు స్థలాలను పరిశీలించారు. భూములు కబ్జాకు గురవుతుంటే అధికారులు ఏం చేస్తున్నారని.. ఎందుకు అడ్డుకోలేదని ఆగ్రహం వ్యక్తం చేశారు.
ఇవీచూడండి: వక్ఫ్బోర్డు సీఈఓకు చట్టాలపై అవగాహనలేదు.. ఆయన అవసరమా?
