హైదరాబాద్ బాచుపల్లిలోని వీఆర్ఎస్ విజ్ఞాన జ్యోతి రెసిడెన్షియల్ పాఠశాల 25వ వార్షికోత్సవ వేడుకలు ఘనంగా నిర్వహించారు. కార్యక్రమానికి ముఖ్య అతిథిగా గవర్నర్ సౌందర రాజన్ హాజరయ్యారు. విద్యార్థుల భవిష్యత్తు ఉపాధ్యాయుల చేతుల్లోనే ఉంటుందని... వారిని మంచి పౌరులుగా తీర్చిదిద్దాలన్నారు. ప్రతి విద్యార్థి అబ్దుల్ కలాంను ఆదర్శంగా తీసుకోవాలని సూచించారు. సాంకేతికత వృద్ధి చెందుతున్న ఈ తరుణంలో విద్యార్థులు కూడా జ్ఞాపకశక్తిలో ముందున్నారని... విద్యార్థులకు అనుకూలమైన రీతిలో విద్యా బోధన జరగాలన్నారు.
25 సంవత్సరాలుగా ఉత్తమ విద్యను అందిస్తూ... విద్యార్థులకు మహోన్నత భవిష్యత్తునిస్తున్న పాఠశాల యాజమాన్యానికి అభినందనలు తెలిపారు. ఈ సందర్భంగా విద్యార్థులు ప్రదర్శించిన సాంస్కృతిక కార్యక్రమాలు ఆకట్టుకున్నాయి. కార్యక్రమంలో వల్లూరిపల్లి రాజా రామ్ మోహన్రావు, రాజశేఖర్ రాజ్ కుమార్ పాల్గొన్నారు.
