మాజీ మంత్రి ఈటల రాజేందర్ తమకు అన్యాయం చేశారని విజయలక్ష్మి ఆగ్రోస్ ఇండస్ట్రీస్ నిర్వాహకురాలు కన్న శివకుమారి ఆరోపించారు. ఎర్రమంజిల్‌ పౌరసరఫరాల భవన్‌లో ఆ శాఖ కమిషనర్ అనిల్‌కుమార్‌ను కలిసి ఫిర్యాదు (complaint on etela rajender) చేశారు. ఈటలపై చర్యలు తీసుకోవాలంటూ వినతి పత్రం ఇచ్చారు.
హుద్హుద్ సమయంలో ఏపీలో కందిపప్పు సరఫరాను బ్యాన్ చేయడం వల్ల.. సేకరణ కాస్త ఆలస్యం అయిందని శివకుమారి తెలిపారు. దాంతో ఆ సమయంలో పౌరసరఫరాల శాఖ మంత్రిగా ఉన్న ఈటల రాజేందర్.. తమను కాదని ఇతరులకు అనుమతులు ఇచ్చారని తెలిపారు. ఫలితంగా తాము తీవ్రంగా నష్టపోయామని చెప్పారు. బ్యాంకు రుణం తీసుకోవడం వల్ల అప్పులు పెరిగిపోయాయని ఆవేదన వ్యక్తం చేశారు. సుమారు కోటీ 97 లక్షల 57 వేల రూపాయలు చెల్లించి తాము టెండర్లో పాల్గొంటే తమను కాదని వేరే సంస్థకు కందిపప్పు సరఫరా కాంట్రాక్టు ఇచ్చారన్నారు. అప్పుడు పౌరసరఫరాల శాఖ మంత్రిగా ఉన్న ఈటల రాజేందర్ తమను బ్లాక్ లిస్ట్లో పెట్టారని, అన్యాయానికి గురిచేశారని ఆరోపించారు. ఇకనైనా తమ డబ్బులు ఇప్పించాలని.. తమకు అన్యాయం చేసిన ఈటలపై చర్యలు (COMPLAINT ON ETELA RAJENDER)తీసుకోవాలని సీఎం, డీజీపీకీ ఫిర్యాదు చేస్తామని శివకుమారి తెలిపారు. ఈటల రాజేందర్పై చర్యలు తీసుకోవాలని కోరుతామన్నారు. సీబీఐ దర్యాప్తు చేయాలని ఆమె డిమాండ్ చేశారు.
'హుద్హుద్ సమయంలో ఏపీలోని చంద్రబాబు ప్రభుత్వం కందిపప్పు సరఫరాపై బ్యాన్ విధించింది. ఫలితంగా కందిపప్పు సేకరణ కాస్త ఆలస్యం అయింది. అప్పుడు పౌరసరఫరాల శాఖ మంత్రిగా ఉన్న ఈటల మమ్మల్ని బ్లాక్ లిస్ట్లో పెట్టారు. అప్పుడు ఇంకో టెండర్ పిలిచి కాంట్రాక్ట్ ఇచ్చారు. వారు కూడా ఆలస్యం చేసినా.. కేవలం నోటీస్ ఇచ్చి వదిలేశారు. దీనిపై ప్రశ్నిస్తే.. ఈటల రాజేందర్ అవమానకరంగా మాట్లాడారు. చెప్పుకోలేని రీతిలో మాట్లాడారు. ఈటల రాజేందర్ను శిక్షించాలని సీఎం కోరుతున్నా.'
- శివకుమారి, విజయలక్ష్మి ఆగ్రోస్ ఇండస్ట్రీస్ నిర్వాహకురాలు
ETELA RAJENDER: 'ఈటల అన్యాయం చేశారు.. అవమానకరంగా మాట్లాడారు'
ఇదీచూడండి: HUZURABAD BYPOLL: హుజూరాబాద్కు మెడికల్ కాలేజీ తీసుకొస్తా.: గెల్లు శ్రీనివాస్
