హైదరాబాద్ నాంపల్లిలోని భాజపా రాష్ట్ర కార్యాలయంలో... అంతర్జాతీయ మహిళా దినోత్సవ వేడుకలు ఘనంగా జరిగాయి. భాజపా మహిళా మోర్చా అధ్యక్షురాలు గీతా మూర్తి ఆధ్వర్యంలో జరిగిన ఈ వేడుకల్లో ఆ పార్టీ నాయకురాలు, మాజీ ఎంపీ విజయశాంతి పాల్గొన్నారు.
లాక్‌డౌన్ సమయంలో విశేష సేవలందించిన జీహెచ్ఎంసీ మహిళా పారిశుద్ధ్య కార్మికులతో విజయశాంతి సరదాగా గడిపారు. వారిని ఘనంగా సన్మానించారు. ఈ సందర్భంగా వారితో ఫొటోలు దిగి ముచ్చటించారు. కరోనా కష్టకాలంలో పడిన ఇబ్బందులను... విధి నిర్వహణలో ఎదురవుతున్న సమస్యలను తెలుసుకున్నారు.
ఇదీ చూడండి: చట్టసభల్లో మహిళల ప్రాతినిథ్యం పెరగాలి: తలసాని
