వనస్థలిపురం ఎస్​ఐపై వేటు

హైదరాబాద్​ వనస్థలిపురం ఎస్​ఐపై వేటు పడింది. ఓ భూవివాదంలో తలదూర్చినందుకు సబ్ ఇన్​స్పెక్టర్​ను సస్పెండ్ చేశారు. విధుల్లో నిర్లక్ష్యంగా ఉన్నందుకు సీఐ, ఏసీపీలకు రాచకొండ సీపీ మహేశ్​ భగవత్ మెమో జారీ చేశారు.

సివిల్‌ తగాదాలో తలదూరిస్తే.. కఠినంగా వ్యవహరిస్తున్న రాచకొండ పోలీస్ కమిషనర్ మహేశ్ భగవత్.. మరొకరిపై వేటు వేశారు. ఓ భూవివాదంలో తలదూర్చినందుకు వనస్థలిపురం ఎస్‌ఐ విష్ణువర్ధన్ రెడ్డిని సస్పెండ్ చేశారు. ఠాణా ఇన్‌స్పెక్టర్‌ వెంకటయ్య, ఏసీపీ గాంధీ నారాయణకు రాచకొండ పోలీస్‌ కమిషనర్‌ మహేశ్​ భగవత్‌ మెమో జారీ చేశారు. రాచకొండ కమిషనరేట్‌ పరిధిలో సివిల్‌ తగాదాల్లో తలదూరిస్తే... చర్యలు తప్పవని హెచ్చరించారు.

ఇవీ చూడండి:కార్ల మంటలు ఆపేదెలా?