సీపీఐ, సీపీఎం రాష్ట్ర కార్యదర్శులకు పీసీసీ అధ్యక్షుడు, నల్గొండ ఎంపీ ఉత్తమ్ కుమార్ రెడ్డి, సీఎల్పీ నేత భట్టి విక్రమార్క లేఖలు రాశారు. నాగార్జునసాగర్ ఉపఎన్నికలో జానారెడ్డికి మద్దతు ఇవ్వాలని లేఖలో విజ్ఞప్తి చేశారు.
లేఖలు రాయటంతో పాటు చాడ వెంకట్‌రెడ్డి, తమ్మినేని వీరభద్రంతో ఉత్తమ్, భట్టి ఫోన్‌లో మాట్లాడారు. రాష్ట్ర కాంగ్రెస్ ఒకటి రెండు రోజుల్లో కమ్యూనిస్టు పార్టీల కార్యదర్శులతో చర్చలు జరిపే అవకాశం ఉంది.
కాగా నాగార్జునసాగర్ ఉప ఎన్నికను ప్రతిష్ఠాత్మకంగా తీసుకున్న ప్రధాన పార్టీలు ఎలాగైనా గెలవాలని ప్రణాళికలు సిద్ధం చేసుకుంటున్నాయి. ఇందులో కాంగ్రెస్ కాస్త ముందుంది. ఇప్పటికే ఆ పార్టీ అభ్యర్థి జానారెడ్డి ప్రచారంలో దూసుకెళ్తున్నారు. ఈ నియోజకవర్గంలో అఖిలపక్షాలకు మంచి పట్టు ఉంది అందుకే కాంగ్రెస్ సీపీఐ, సీపీఎం మద్దతు కోరుతోంది.
ఇదీ చదవండి: యంత్రంలో రూపాయి పెట్టు.. మాస్కు పట్టు!
