యూపీఎస్సీ పరీక్షలు రాసే అభ్యర్థుల సౌకర్యార్థం ఈనెల 4న గ్రేటర్ హైదరాబాద్ పరిధిలో ఆర్టీసీ సిటీ బస్సులను నడపనున్నామని ఆర్టీసీ గ్రేటర్ ఈడీ వెంకటేశ్వర్లు తెలిపారు. ఆదివారం ఉదయం 7:30 గంటల నుంచి 9:30 గంటల వరకు, సాయంత్రం 4:30 గంటల నుంచి 6 గంటల వరకు సిటీ బస్సులు నడుస్తాయన్నారు.
పరీక్షలు రాసే అభ్యర్థుల పరీక్షా కేంద్రాల వరకు ఆ బస్సులు నడుస్తాయన్నారు. ముఖ్యమైన బస్ స్టాపుల్లో అభ్యర్థులకు అవసరమైన బస్సుల సమాచారం తెలియజేసేందుకు సూపర్ వైజర్లను నియమించామని ఆయన పేర్కొన్నారు. పరీక్షలు రాసే అభ్యర్థులు ఈ సౌకర్యాన్ని సద్వినియోగం చేసుకోవాలని ఆయన విజ్ఞప్తి చేశారు.
ఇదీ చూడండి: 'ఎమ్మెల్సీ ఎన్నికల్లో బోగస్ ఓట్లు చేర్చేందుకు తెరాస యత్నం'
