యూనిసెఫ్ స్కూల్ ఇన్నోవేషన్ ఛాలెంజ్ ప్రక్రియను ఐటీశాఖ ముఖ్య కార్యదర్శి జయేష్ రంజన్ హైదరాబాద్లో ప్రారంభించారు. యూనిసెఫ్- టీఎస్ఐసీ ఆధ్వర్యంలో రాష్ట్ర విద్యాశాఖ సహకారంతో నిర్వహించనున్న ఈ ఛాలెంజ్కు సంబంధించిన ఆన్లైన్ దరఖాస్తును జయేష్ రంజన్ ఆవిష్కరించారు. రాష్ట్రవ్యాప్తంగా ఉన్న ప్రభుత్వ పాఠశాలలు, సాంఘిక గురుకుల పాఠశాలల్లోని 6 నుంచి పదో తరగతి విద్యార్థులు ఛాలెంజ్లో పాల్గొనవచ్చని జయేష్ వివరించారు.
పిల్లల్లో ఆవిష్కరణ, సమస్య-పరిష్కార నైపుణ్య స్ఫూర్తిని రగిలించేందుకు ఈ ఇన్నోవేషన్ ఛాలెంజ్ ఎంతగానో దోహదపడుతుందని జయేష్ రంజన్ అభిప్రాయపడ్డారు. విద్యార్థులు ఈ ఛాలెంజ్లో చురుగ్గా పాల్గొనేందుకు జిల్లా విద్యాధికారులు, ప్రధానోపాధ్యాయులు చొరవ తీసుకుని.. వారికి అవగాహన కల్పించాలని కోరారు.
ఇదీ చదవండి: ఇకనుంచి తహసీల్దార్లే జాయింట్‌ రిజిస్ట్రార్‌లు: కేసీఆర్‌
