TSPSC Group 4 General Rank Merit List After Dussehra : దసరా తర్వాతే.. గ్రూప్​4 పరీక్ష జనరల్​ ర్యాంకు మెరిట్​ జాబితా

TSPSC Group 4 General Rank Merit List After Dussehra : రాష్ట్రంలో 8,180 గ్రూప్​-4 సర్వీసుల పోస్టుల జనరల్​ ర్యాంకు మెరిట్​ జాబితాను విడుదల చేసేందుకు తెలంగాణ పబ్లిక్​ కమిషన్​ సిద్ధమవుతుంది. ఇప్పటికే నిర్వహించిన పరీక్షకు సంబంధించి తుది కీని వెల్లడించిన టీఎస్​పీఎస్సీ​.. అందులో పేపర్​-1లో ఏడు ప్రశ్నలు, పేపర్​-2లో మూడు ప్రశ్నలు మొత్తం 10 ప్రశ్నలు తొలగిస్తూ నిర్ణయం తీసుకుంది. ఈ పరీక్షను రాష్ట్రవ్యాప్తంగా 7.6 లక్షల మంది అభ్యర్థులు పరీక్ష రాశారు.

TSPSC Group 4 General Rank Merit List After Dussehra : గ్రూప్​-4 అభ్యర్థులకు టీఎస్​పీఎస్సీ తీపి కబురు చెప్పనుంది. రాష్ట్రంలో 8,180 గ్రూప్​-4 సర్వీసుల పోస్టుల జనరల్​ ర్యాంకు మెరిట్​ జాబితా(Group 4 Exam General Rank Cards)ను విడుదల చేసేందుకు తెలంగాణ పబ్లిక్​ కమిషన్​ సిద్ధమవుతోంది. ఇప్పటికే నిర్వహించిన పరీక్షకు సంబంధించి తుది కీని వెల్లడించిన కమిషన్​.. అందులో పేపర్​-1లో ఏడు ప్రశ్నలు, పేపర్​-2లో మూడు ప్రశ్నలు మొత్తం 10 ప్రశ్నలు తొలగిస్తూ నిర్ణయం తీసుకుంది. అయితే రెండు పేపర్లలో మొత్తం 13 ప్రశ్నల సమాధానాల్లో మార్పులు చేయగా.. ఇందులో ఐదింటికి ఒకటి కన్నా ఎక్కువ సమాధానాలను సరైనవిగా టీఎస్​పీఎస్సీ పేర్కొంది.

టీఎస్​పీఎస్సీ(TSPSC Group 4 Exam) జులై 1వ తేదీన నిర్వహించిన రాత పరీక్షను.. రాష్ట్రవ్యాప్తంగా 7.6 లక్షల మంది అభ్యర్థులు పరీక్ష రాశారు. ఈ పరీక్షకు సంబంధించిన తుది కీ కూడా విడుదలైంది. అభ్యర్థుల జవాబు పత్రాల మూల్యాంకనం సైతం కమిషన్​ పూర్తి చేసింది. ఇప్పుడు ఎలాంటి పొరపాట్లు చేయకుండా జనరల్​ ర్యాంకు మెరిట్​ జాబితాను వెల్లడించాలని కమిషన్​ భావిస్తోంది.

TSPSC Group 4 Exam in Telangana : ఈ జాబితాలో పరీక్ష రాసిన అభ్యర్థులు పొందిన మార్కుల వివరాలు, కేటగిరీ, జిల్లా స్థానికత వంటి తదితర వివరాలను పొందుపరచనున్నారు. ఇందుకు దసరా పండగ(Dussehra Festival in 2023) తర్వాత మెరిట్​ జాబితాను ఇవ్వాలని కమిషన్ భావిస్తోంది. ఇంతలో మహిళలకు సమాంతర రిజర్వేషన్లపై హైకోర్టు స్పష్టత నిచ్చాక.. ఎన్నికల కోడ్​ అనంతరం 1:2 నిష్పత్తిలో తుది ఎంపిక జాబితాను టీఎస్​పీఎస్సీ ప్రకటించే అవకాశం ఉంది. ఇప్పటికే గ్రూప్​-4 అభ్యర్థులు తుది జాబితా గురించి నిరీక్షిస్తున్నారు.

గ్రూప్​-4 పరీక్ష రాసిన 7.60 లక్షల మంది అభ్యర్థులు : రాష్ట్రవ్యాప్తంగా వివిధ శాఖల్లో ఉన్న గ్రూప్​-4 ఖాళీలను భర్తీ చేయడానికి గతేడాది డిసెంబరులో టీఎస్​పీఎస్సీ నోటిఫికేషన్​ జారీ చేసింది. అందులో జూనియర్​ అసిస్టెంట్​, జూనియర్​ అకౌంటెంట్​, జూనియర్​ ఆడిటర్​, వార్డు ఆఫీసర్​ వంటి తదితర పోస్టులు ఉన్నాయి. టీఎస్​పీఎస్సీ 8,180 పోస్టులను భర్తీ చేయడానికి నోటిఫికేషన్​ రిలీజ్​ చేయగా.. ఈ ఏడాది జులై 1న పరీక్ష నిర్వహించారు. ఈ పరీక్షను రికార్డు స్థాయిలో 9.51 లక్షల మంది అభ్యర్థులు దరఖాస్తు చేసుకున్నారు. వారిలో 7 లక్షల 60 వేల మంది అభ్యర్థులు పరీక్షను రాశారు. ఈ పరీక్షకు సంబంధించిన తుది కీని టీఎస్​పీఎస్సీ అక్టోబరులో ప్రవేశపెట్టింది. ఇప్పటికే ఎన్నికల కోడ్​తో నవంబరులో జరగాల్సిన గ్రూప్​-2 పరీక్ష.. జనవరి నెలకు వాయిదా పడింది.