Thandel Songs : అక్కినేని నాగచైతన్య లీడ్ రోల్లో తెరకెక్కుతున్న సినిమా 'తండేల్'. ఈసినిమాకు చందూ మొండేటి దర్శకత్వం వహిస్తున్నారు. ఫిబ్రవరి 7న గ్రాండ్గా రిలీజ్ కానుంది. ఈ నేపథ్యంలో మేకర్స్ వరుసగా పాటలు విడుదల చేస్తున్నారు. రీసెంట్గా 'బుజ్జి తల్లి' పాట విడుదల చేయగా, తాజాగా మరో సాంగ్ రిలీజ్ చేశారు.
శ్రీకాకుళం సాంస్కృతిక వారసత్వాన్ని, పురాతన శ్రీ ముఖలింగం శివాలయాన్ని ప్రతిబింబించే పాటగా దీనిని తీర్చిదిద్దారు. శేఖర్‌ మాస్టర్‌ కొరియోగ్రఫీ చేశారు. నమో నమః శివాయ అంటూ సాగే ఈపాటను అనురాగ్‌ కులకర్ణి, హరిప్రియ దీనిని ఆలపించారు. దేవిశ్రీ ప్రసాద్ స్వరాలు అందించారు. ఇక సినిమా ప్రమోషన్స్ కూడా ప్రారంభం కానున్నాయి. ఈ క్రమంలో త్వరలోనే ట్రైలర్ కూడా రిలీజ్ అయ్యే ఛాన్స్ ఉంది.
బ్లాక్బస్టర్ బుజ్జి తల్లి
గతనెల మేకర్స్ సినిమా నుంచి బుజ్జి తల్లి సాంగ్ రిలీజ్ చేశారు. ఈ పాటకు అద్భుతమైన రెస్పాన్స్ లభించింది. సోషల్ మీడియాలో ఈ పాట ఫుల్ ట్రెండ్ అయ్యింది. ఈ 'బుజ్జి తల్లి' పాట విడుదలై నెల రోజులు దాటినా కూడా ఇంకా యూట్యూబ్, ఇన్స్టాగ్రామ్లో ట్రెండింగ్లోనే ఉంటూ హవా కొనసాగిస్తోంది. 44 మిలియన్ ప్లస్ వ్యూస్తో దూసుకుపోతోంది. ఎక్కడ చూసినా రీల్స్ రూపంలో ఇదే కనపడుతోంది.
ఇదీ కథ
ఒక మత్స్యకారుడి నిజ జీవితంలో జరిగిన సంఘటనల ఆధారంగా ఇది తెరకెక్కుతోంది. ఈ కథంతా సముద్ర తీర ప్రాంతం చుట్టూనే తిరుగనుంది. శ్రీకాకుళంలో మొదలై పాకిస్థాన్ వరకూ చేరుకుంటుంది. ఈ క్రమంలో కొందరు మత్స్యకారులు పాకిస్థాన్ కోస్టు గార్డులకు చిక్కుతారు. ఆ తర్వాత వాళ్లు ఎదుర్కొన్న సమస్యలు, కష్టాల గురించి ఈ సినిమాలో చూపించనున్నారు.
కాగా, ఇప్పటికే రిలీజైన వీడియో గ్లింప్స్కు మంచి రెస్పాన్స్ లభించింది. అందులో నాగ చైతన్య రగ్గ్‌డ్ లుక్లో కనిపించగా, సాయి పల్లవి తన క్యూట్ లుక్స్తో ఆకట్టుకున్నారు. ఈ సినిమాకు రాక్స్టార్ దేవీ శ్రీ ప్రసాద్ సంగీతం అందించగా, గీతా ఆర్ట్స్ బ్యానర్పై అల్లు అరవింద్, బన్నీ వాస్ సంయుక్తంగా నిర్మిస్తున్నారు.
'తండేల్' సాలిడ్ అప్డేట్- మూడు రోజుల్లో ఫ్యాన్స్కు ట్రీట్!
ఈసారి గురుచూసి కొడుతున్న 'తండేల్'! రిలీజ్ డేట్ వచ్చేసిందబ్బా- ఎప్పుడంటే?
