పట్టభద్రుల ఎమ్మెల్సీ ఎన్నికల్లో తెరాస అభర్థులు గెలుపొందటంపై ఉస్మానియా వర్శిటీలో సంబురాలు జరుపుకున్నారు. తెరాస విద్యార్థి విభాగం ఆధ్వర్యంలో టపాసులు పేల్చి.. మిఠాయిలు పంచుకున్నారు. ఈ సందర్భంగా టీఆర్ఎస్వీ రాష్ట్ర కార్యదర్శి చటారి దశరథ్ మాట్లాడుతూ... తెరాస అభ్యర్థులకు ఓట్లు వేసిన పట్టభద్రులు, ఉద్యోగులు, మేధావులకు ధన్యవాదాలు తెలిపారు.
ఎమ్మెల్సీ ఎన్నికల్లో తెరాస అభ్యర్థుల విజయం.. భాజపా నేతలు చేస్తున్న అసత్య ప్రచారాలకు సమాధానమని చటారి దశరథ్ అన్నారు. తెలంగాణ ప్రజలు సీఎం కేసీఆర్ నాయకత్వాన్ని కోరుకుంటున్నారనే వాదనకు ఎమ్మెల్సీ ఎన్నికల ఫలితాలే నిదర్శనమని స్పష్టం చేశారు. రాబోయే నాగార్జునసాగర్ ఉప ఎన్నికలోనూ తెరాస జెండాను ఎగురవేస్తామని ధీమా వ్యక్తం చేశారు. ఈ కార్యక్రమంలో విద్యార్థి విభాగం నేతలు కాటం శివ, ప్రశాంత్, క్రాంతి, నరేశ్, రాజేశ్, రవి కిరణ్, శ్రవణ్ కుమార్, రామకృష్ణ, సురేష్, రమేశ్ గౌడ్ పాల్గొన్నారు.
ఇదీ చదవండి: సీఎం కేసీఆర్ను కలిసిన పల్లా రాజేశ్వర్రెడ్డి
