భాజపా నేతలు వరద బాధితులకు రూ.25 వేల సాయం అందిస్తామని చెప్పి ఓట్లు దండుకున్నారని... ప్రజలకు ఇచ్చిన హామీపై చిత్తశుద్ధి ఉంటే వెంటనే సాయం అందించాలని తెరాస నాయకులు డిమాండ్ చేశారు. గ్రేటర్ హైదరాబాద్ మున్సిపల్ ఎన్నికల్లో గోషామహల్ నియోజకవర్గంలోని ఆరు డివిజన్లలో తెరాస అభ్యర్థులు ఓడిపోవడంతో... బేగంబజార్‌లోని ఓ హోటల్లో నియోజకవర్గానికి చెందిన కార్పొరేటర్ అభ్యర్థులు, కార్యకర్తలు విస్తృత స్థాయి సమావేశం నిర్వహించారు.
ఎన్నికలకు ముందు హామీ ఇచ్చినట్లు రూ.25 వేల సాయాన్ని 15 రోజుల వ్యవధిలో అందించాలని తెరాస రాష్ట్ర నాయకుడు నంద కిషోర్ వ్యాస్ డిమాండ్ చేశారు. లేని పక్షంలో బాధితులంతా భాజపా రాష్ట్ర అధ్యక్షుడు బండి సంజయ్, కేంద్ర మంత్రి కిషన్‌రెడ్డి ఇళ్ల ముందు నిరసనలు వ్యక్తం చేస్తామని హెచ్చరించారు. గోషామహల్ నియోజకవర్గంలో ఎమ్మెల్యే రాజాసింగ్ గత ఆరేళ్లలో ఎలాంటి అభివృద్ధి చేయలేదని ఆరోపించారు.
ఇదీ చదవండి: నల్లగొండ జిల్లాకు మరో రెండు ఎత్తిపోతల పథకాలు
