సచివాలయం కూల్చివేతతో.. నగరంలో భారీగా ట్రాఫిక్​ జామ్​

హైదరాబాద్​ నగరంలో పలుచోట్ల ట్రాఫిక్ జామ్ ఏర్పడింది. సచివాలయం కూల్చివేత పనుల్లో భాగంగా వాహనాల దారి మళ్లింపు వల్ల పట్టణంలోని ప్రధాన రహదారుల వద్ద వాహనాల రద్దీ నెలకొంది.

సచివాలయం కూల్చివేత పనుల్లో భాగంగా ట్రాఫిక్ పోలీసులు కొన్ని దారులను మూసేశారు. హైదరాబాద్​ పట్టణంలోని ప్రధాన రహదారులైన ఖైరతాబాద్, తెలుగుతల్లి ఫ్లైఓవర్ వంతెనలతో పాటు హిమాయత్ నగర్ లక్డీకపూల్, రవీంద్ర భారతి, ట్యాంక్ బండ్, లోయర్ ట్యాంక్ బండ్ కూడళ్లను మూసివేశారు. ఈ దారుల మీదుగా వచ్చే వాహనాలన్నింటినీ ప్రత్యామ్నాయ మార్గాల్లో పంపిస్తున్నారు.

దీనితో ఇతర దారుల్లో వాహనాల రాకపోకలు పెరిగి ట్రాఫిక్​కు అంతరాయం ఏర్పడింది. ట్రాఫిక్ పోలీసులు ముందస్తు జాగ్రత్తలు తీసుకున్నప్పటికీ ఒక్కసారిగా వాహనాల రాకపోకలు పెరిగి రద్దీ ఏర్పడింది. బషీర్​ బాగ్ ట్రాఫిక్, కంట్రోల్ రూమ్, లక్డీకపూల్ వద్ద భారీగా వాహనాలు నిలిచిపోయాయి. ట్రాఫిక్ పోలీసులు వాహనాలను క్రమబద్ధీకరించారు.

ఇవీచూడండి: నూతన సచివాలయ నిర్మాణం తప్పుకాదు: హైకోర్టు