Constable saved life by performing CPR: హైదరాబాద్లోని రాజేంద్రనగర్ సర్కిల్ ఆరాంఘర్ చౌరస్తా నిత్యం వాహనాలతో రద్ధీగా ఉండే ప్రాంతం. ప్రయాణికులు వారి వారి పనులల్లో బీజీగా ఉన్నారు. ఒకరు ట్రాఫిక్ సిగ్నల్ను గమనిస్తూ వాటిని తప్పించుకోవడానికి ప్రయత్నిస్తుంటే.. మరొకరు ఆఫీస్కు టైమ్ అవుతోంది బాస్ ఏం అంటారో అని భయంతో వాహన వేగం పెంచుతున్నారు. ట్రాఫిక్ సిగ్నల్ పడటంతో చిరు వ్యాపారులు ఇదే అదునుగా వారి వస్తువులు అమ్ముకొని రూపాయి లాభం కోసం చూస్తున్నారు.
ఇంతలో ఎల్బీనగర్కు చెందిన బాలాజీ అనే యువకుడు ఎల్బీనగర్ నుంచి ఆరాంఘర్ బస్స్టాప్ వద్దకు ఆర్టీసీ బస్సులో వచ్చాడు. మరో బస్సు కోసం ఎదురు చూస్తున్న ఆ యువకుడు అకస్మాత్తుగా ఉన్న చోటనే కుప్పకూలిపోయాడు. ప్రయాణికులు ఎవరి పనుల్లో వాళ్లు బీజీగా ఉండగా.. అక్కడే విధులు నిర్వహిస్తున్న ట్రాఫిక్ కానిస్టేబుల్ రాజశేఖర్ మాత్రం ఆ యువకుడిని గమనించాడు. అతను గుండెపోటుకు గురైనట్లు గుర్తించాడు. వెంటనే అతనికి సీపీఆర్ చేశాడు. అతని ఛాతి భాగాన అరచేతిలతో గట్టిగా నొక్కాడు. యువకుడు సృహలోకి వచ్చేవరకు గట్టిగా అదిమాడు.
దీంతో ఆ యువకుడికి మెలుకువ రాగా.. చుట్టుపక్కల వారు గమనించి అంబులెన్స్కు సమాచారం ఇచ్చారు. అనంతరం ఆయన్ను మెరుగైన వైద్యం నిమిత్తం అత్తాపూర్లోని జర్మన్ టెన్ ఆసుపత్రికి తరలించారు. మెరుగైన వైద్యం అందించిన అక్కడి వైద్యులు సరైన సమయానికి సీపీఆర్ చేయడంతో ఆయన ప్రాణాలు నిలిచాయని తెలిపారు. కానిస్టేబుల్ సీపీఆర్ చేసిన వీడియోలు సామాజిక మాధ్యమాల్లో విస్తృతంగా ప్రచారం కాగా.. దీనిపై స్పందించిన మంత్రి హరీశ్రావు కానిస్టేబుల్ రాజశేఖర్ ఎంతో సమయస్పూర్తితో వ్యవహరించి ఆయన ప్రాణాలు కాపాడారని కొనియాడారు.
అంతే కాకుండా రాష్ట్రంలోని ప్రతి ఒక్కరికి సీపీఆర్ గురించి అవగాహన ఉండాలని పేర్కొన్నారు. ఫ్రంట్ లైన్ ఉద్యోగులు, వర్కర్లకు వచ్చేవారం సీపీఆర్‌లో శిక్షణ ఇవ్వనున్నట్లు మంత్రి తెలిపారు. ఇటివలే కాలంలో గుండెపోటు ఘటనలు పెరుగుతున్న నేపథ్యంలో సీపీఆర్ శిక్షణ వల్ల మంచి సత్ఫలితారు సాధించవచ్చనని ఆయన పేర్కొన్నారు. సమయాస్ఫూర్తితో వ్యవరించిన రాజశేఖర్ను మంత్రితో పాటు పలువురు అభినందించారు. సైబరాబాద్ సీపీ స్టీఫెన్‌ రవీంద్రతో పాటు ట్రాఫిక్ సీఐ శ్యామ్ సుందర్ సహా స్థానిక ప్రజలు రాజశేఖర్ను మెచ్చుకున్నారు.
ఇవీ చదవండి:
CCTV Footage : జిమ్లో కసరత్తులు చేస్తూ గుండెపోటుతో కానిస్టేబుల్ మృతి
కార్డియాక్ అరెస్ట్.. CPR చేయడం ఎలా? గాంధీ ఆసుపత్రిలో 10 వేల మందికి ట్రైనింగ్
