SLBC MEETING: నేడు రాష్ట్రస్థాయి బ్యాంకర్ల కమిటీ సమావేశం

రైతుల రుణమాఫీ విషయం గురించి చర్చించేందుకు రాష్ట్రస్థాయి బ్యాంకర్ల కమిటీ ఈ రోజు సమావేశం కానుంది. ఈ కార్యక్రమంలో మంత్రులు హరీశ్ రావు, నిరంజన్ రెడ్డిలు పాల్గొననున్నారు.

రాష్ట్రస్థాయి బ్యాంకర్ల కమిటీ ఇవాళ సమావేశం కానుంది. రైతుల రుణమాఫీ విషయంపై చర్చించేందుకు ఎస్​.ఎల్.బీ.సీ సమావేశాన్ని ఏర్పాటు చేశారు. ఆర్థిక, వ్యవసాయ శాఖ మంత్రులు హరీశ్ రావు, నిరంజన్ రెడ్డిలు బ్యాంకు అధికారులతో భేటీ కానున్నారు. యాభై వేల లోపు రుణమాఫీ ప్రక్రియను ఈ నెల 15 నుంచి నెలాఖరు లోపు పూర్తి చేయాలని రాష్ట్ర మంత్రి వర్గం ఇటీవల నిర్ణయించింది.

దీంతో ఆరు లక్షలకు పైగా రైతులకు లబ్ది కలుగుతుందని అంచనా. ఈ నేపథ్యంలో రుణమాఫీ నిధుల విడుదల, రైతుల ఖాతాలో జమ సంబంధిత అంశాలపై బ్యాంకర్లతో ప్రభుత్వం ఇవాళ చర్చించనుంది.

ఇదీ చూడండి: HYDERABAD DRINAGE SYSTEM: రూ.కోట్లు పెట్టి.. ప్రాణాలకు సమాధి కట్టి!