తెరాస నిరంకుశ ధోరణికి పార్లమెంటు ఎన్నికల్లో ప్రజలు బుద్ధి చెప్పారని తెజస అధ్యక్షుడు కోదండరాం అన్నారు. కేసీఆర్ హయాంలో రైతులకు గిట్టుబాటు ధర అందడం లేదని హైదరాబాద్లో విమర్శించారు. ముఖ్యంగా నిజామాబాద్ రైతులు దేశం మొత్తానికి ఆదర్శంగా నిలిచారని ప్రశంసించారు. ఉద్యోగాల భర్తీలో కూడా సర్కారు నిర్లక్ష్యం వహిస్తోందని ఆరోపించారు. పరీక్షలు నిర్వహించి... ఫలితాల విడుదల చేయకపోవడం, నియామకాలు పూర్తి చేయడంలో జాప్యం చేస్తున్నారని అన్నారు. అటవీ హక్కుల చట్టం కోసం ఏటూరు నాగారంలో త్వరలో బహిరంగ సభ నిర్వహిస్తామని తెలిపారు. నిరుద్యోగులు, రైతు సమస్యలపై తమ పోరాటం ఉద్ధృతం చేస్తామని స్పష్టం చేశారు.
తెరాసకు ప్రజలు సరైన గుణపాఠం చెప్పారంటున్న కోదండరాం
ఇదీ చూడండి : మద్యం షాపులో ఘర్షణ.. అడ్డుకున్నందుకు దాడి
