ఏపీవ్యాప్తంగా 2.4 లక్షల తిరుమల లడ్డూలు విక్రయం

ఆంధ్రప్రదేశ్​లో 2.4 లక్షల లడ్డూలను తితిదే విక్రయించింది. ఒక్క గుంటూరు జిల్లా మినహా 12 జిల్లాల్లో విక్రయాలను చేపట్టారు. భక్తుల విజ్ఞప్తి మేరకు తెలంగాణ, తమిళనాడుకు ప్రతి రోజు లడ్డూలను తరలించే యోచనలో తితిదే ఉంది.

ఏపీవ్యాప్తంగా 2.4 లక్షల లడ్డూలను తితిదే విక్రయించింది. 3 గంటల్లోనే 2.4 లక్షల లడ్డూలు అమ్ముడుపోయాయి. గుంటూరు మినహా 12 జిల్లాల్లో లడ్డూ ప్రసాదాల విక్రయాలను మొదలుపెట్టింది.

గుంటూరులో ఈనెల 30 నుంచి లడ్డూ ప్రసాదాల విక్రయాలను ప్రారంభించనున్నారు. మంగళవారం మరో 2 లక్షల లడ్డూ ప్రసాదాలు జిల్లా కేంద్రాలకు తరలించనున్నారు. లడ్డూలు విక్రయించాలని తమిళనాడు, తెలంగాణ భక్తుల నుంచి విజ్ఞప్తులు వస్తున్నాయి. ఈ మేరకు ప్రతిరోజు తమిళనాడుకు లక్ష, తెలంగాణకు 50 వేల లడ్డూలు తరలించే యోచనలో తితిదే ఉన్నట్లు తెలుస్తోంది.

ఇదీ చదవండి: తితిదే ఆస్తుల విక్రయం అసంబద్ధ నిర్ణయం: ఐవైఆర్​ కృష్ణారావు