తిరుమల శ్రీవారి బ్రహ్మోత్సవాలు.. ఈసారీ ఏకాంతంగానే జరగనున్నాయి. కరోనా మూడో దశ హెచ్చరికల దృష్ట్యా అక్టోబర్ 7 నుంచి 15 వరకు జరిగే శ్రీవారి వార్షిక బ్రహ్మోత్సవాలు ఏకాంతంగానే నిర్వహిస్తామని.. తితిదే ఛైర్మన్ వైవీ సుబ్బారెడ్డి చెప్పారు.
బ్రహ్మాండనాయకుని.. బ్రహ్మోత్సవాల్లో కీలకమైన వాహనసేవలన్నీ ఇక ఆలయ ప్రకారానికే పరిమితం కానున్నాయి. తిరుమాఢ వీధుల్లో ఆ దేవదేవుడి వాహన సేవలు చూసి తరిద్దామనుకున్న.. భక్తులకు ఈసారీ నిరాశే మిగలనుంది.
కొవిడ్ థర్డ్వేవ్ వస్తుందనే ఉద్దేశంతో కేంద్ర, రాష్ట్ర ప్రభుత్వాలు ఎన్నో ముందస్తు చర్యలు తీసుకుంటున్నాయి. అందులో భాగంగా.... నిన్న కేంద్ర ప్రభుత్వం ఇచ్చిన హెచ్చరికల దృష్ట్యా మరింత అప్రమత్తంగా ఉంటూ... సర్వదర్శనం టిక్కెట్లు కూడా ఇచ్చే ఏర్పాట్లు చేస్తాం. కొవిడ్ హెచ్చరికలను దృష్టిలో పెట్టుకుని రాబోయే స్వామివారి బ్రహ్మోత్సవాలను ఏకాంతంగానే నిర్వహించాలని నిర్ణయించాము. -వై.వి.సుబ్బారెడ్డి, తితిదే ఛైర్మన్.
ఇదీ చూడండి: TTD Incense Sticks: తితిదే బ్రాండ్తో అగరబత్తీలు.. ఆ పూలతోనే తయారీ.!
