ఇద్దరు అంతర్​ రాష్ట్ర దొంగల అరెస్ట్​

రద్దీగా ఉండే బస్సుల్లో, రైళ్లలో ప్రయాణికుల దృష్టి మరల్చి చోరీలకు పాల్పడుతున్న ఇద్దరు అంతర్​ రాష్ట్ర దొంగలను రాచకొండ పోలీసులు పట్టుకున్నారు. నిందితుల నుంచి రూ.2.92 లక్షల నగదు, 2 చరవాణిలు స్వాధీనం చేసుకున్నారు.

రైళ్లు, బస్సుల్లో ప్రయాణికుల వద్ద చోరీలకు పాల్పడుతున్న ఇద్దరు అంతర్​ రాష్ట్ర దొంగలను అరెస్ట్​ చేశారు రాచకొండ పోలీసులు. ముఖ్యంగా రాత్రి వేళల్లో ప్రవేటు ట్రావెల్స్ బస్సుల్లో ప్రయాణికులనే లక్ష్యంగా చేసుకుని చోరీ చేస్తున్న ఇద్దరినీ పక్కా సమాచారంతో పట్టుకున్నారు.

విజయవాడ నుంచి హైదరాబాద్​కు వచ్చే బస్సులో సుభాష్ చంద్రబోస్ అనే వ్యక్తి వద్ద దొంగతనం జరిగింది. బాధితుడి ఫిర్యాదుతో రంగంలోని దిగిన పోలీసులు... అన్ని ప్రాంతాల సీసీటీవీ ఫుటేజ్​లను పరిశీలించి నిందితులను అదుపులోకి తీసుకున్నారు. వారి నుంచి రూ.2.92 లక్షల నగదు, 2 చరవాణిలు స్వాధీనం చేసుకున్నారు.

ఇవి కూడా చదవండి: భారత ప్రధాన న్యాయమూర్తిగా జస్టిస్​ బోబ్డే ప్రమాణం