మీర్​పేట్​లో దొంగతనం... 30 తులాల బంగారం చోరీ

మీర్​పేట్​లోని అల్మాస్ గూడ సీత హోమ్స్​లోని ఓ ఇంట్లో 30 తులాల బంగారం, రూ. 15వేల నగదు దొంగతనం జరిగింది. నిద్రిస్తున్న సమయంలో ఆగంతుకులు వంటగది నుంచి ప్రవేశించి చోరీకి పాల్పడ్డారని ఇంటి యజమాని తెలిపాడు. పోలీసులు ఘటనా స్థలాన్ని పరిశీలించి కేసు నమోదు చేసి దర్యాప్తు చేస్తున్నారు.

హైదరాబాద్ మీర్ పేట్ పోలీస్ స్టేషన్ పరిధిలో అల్మాసుగూడలోని సీత హోమ్స్​లో భారీ దొంగతనం జరిగింది. ఉదయం 5:30 నిమిషాల సమయంలో ఇంట్లో వాళ్ళు నిద్రిస్తుండగా వంటగదిలో నుంచి దుండగులు ప్రవేశించి బీరువాలో ఉన్న 30 తులాల బంగారు ఆభరణాలు, రూ.15 వేల నగదును అపహరించారు. చోరీ జరిగిందని తెలుసుకున్న ఇంటి యజమాని శ్రీనివాస్ పోలీసులకు ఫిర్యాదు చేశారు. వెంటనే ఘటనా స్థలానికి చేరుకున్న మీర్​పేట్ పోలీసులు కేసు నమోదు చేసి దర్యాప్తు చేపట్టారు.

ఇదీ చూడండి:ఏసీబీ వలలో ఆర్​డబ్ల్యూఎస్ డీఈ