జల్సాలకు అలవాటు పడి కెమెరా దొంగతనాలు చేస్తున్న వ్యక్తిని పోలీసులు అరెస్టు చేశారు. కామరెడ్డి బిబి పేటకు చెందిన నంగునూరి నిఖిల్ సాయి 2007లో కుటుంబంతో సహా నగరానికి వచ్చాడు. ఓ ఇంజినీరింగ్ కళాశాలలో చేరి, వ్యసనాలకు చేస్తూ కాలేజీ నుంచి 2017లో డిటెయిన్ అయ్యాడు. నిఖిల్ కొన్నేళ్ల క్రితం ఓఎల్ఎక్స్లోఆధార్ జిరాక్స్ మాత్రమే సమర్పించి కెమరా అద్దెకు తీసుకున్నాడు. ఇలా విలువైన కెమెరాలు ఆధార్ జిరాక్స్ ఆధారంగా ఇవ్వటంతో ఓఎల్ఎక్స్లో కెమెరాలు అద్దెకు తీసుకొని వాటిని బయట విక్రయించసాగాడు. వచ్చిన డబ్బుతో జల్సాలు చేసేవాడు.
కుకట్పల్లి బాలాజీ నగర్లో సునీల్ అనే వ్యక్తి దగ్గర నుంచి డీఎస్ఎల్ఆర్ కెమెరాలు అద్దెకు తీసుకుని తిరిగి ఇవ్వటకపోవటంతో అనుమానం వచ్చి ఆధార్ కార్డుపై ఉన్న చిరునామాకి వెళ్లి చూశాడు. తప్పు అడ్రస్ ఉండటమే కాకుండా నిఖిల్ సాయి నంబర్కు ఫోన్ చేస్తే మాయమాటలు చెప్తున్నాడు. సందేహం కలిగిన కెమెరా యజమాని పోలీసులకు ఫిర్యాదు చేశాడు. పోలీసులు నిఖిల్ని అరెస్టు చేసి అతని వద్ద నుంచి ఐదు లక్షల రూపాయల విలువ చేసే 8 డీఎస్ఎల్ఆర్ కెమెరాలు స్వాధీనం చేసుకున్నారు.
ఇదీ చూడండి : ఆహార పదార్థాలు కలుషితమై 25 మందికి అస్వస్థత!
