ఇప్పటివరకు ఒక లెక్క... ఇకపై ఇంకో లెక్క: మంత్రి రోజా

ఆంధ్రప్రదేశ్​లో మంత్రి పదవి చేపట్టిన తర్వాత తొలిసారి ఆర్‌.కె.రోజా నగరి రావడంతో... వైకాపా అభిమానులు ఘన స్వాగతం పలికారు. రేణిగుంట విమానాశ్రయం నుంచి నగరి వరకు అడుగడునా ఆమెకు హారతులు పట్టారు. పుత్తూరులో భారీ గజమాలతో సత్కరించారు. నగరి ప్రజల ఆశీస్సుల వల్లే మంత్రి కాగలిగానన్న రోజా... ఇంతటి అభిమానం చూపిన వారికి జీవితాంతం రుణపడి ఉంటానని ఆమె భావోద్వేగానికి లోనయ్యారు.

''నిన్నటి వరకు నియోజకవర్గానికే పరిమితమై మీ ముందుకు ఎమ్మెల్యేగా వచ్ఛా. నేడు మంత్రిగా నగరికి రావడం మీరిచ్చిన వరంగా భావిస్తానని'' మంత్రి ఆర్‌.కె.రోజా పేర్కొన్నారు. మంత్రి పదవి చేపట్టాక మొట్టమొదటగా నగరి నియోజకవర్గానికి వచ్చిన సందర్భంగా సోమవారం భారీ ర్యాలీ నిర్వహించారు. ఈ సందర్భంగా ఆమె ప్రజలనుద్దేశించి మాట్లాడారు.