ఇంట్లో మందలించారని .. ల్యాబ్ టెక్నీషియన్​ ఆత్మహత్య

ఇంట్లో మందలించారని హైదరాబాద్​లో ఓ యువతి ఆత్మహత్య చేసుకుంది. కేసు నమోదు చేసుకున్న పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించారు.

ఇంట్లో మందలించారని ల్యాబ్ టెక్నీషియన్ బలవన్మరణానికి పాల్పడింది. ఈ ఘటన నారాయణగూడ పోలీసు స్టేషన్ పరిధిలోని హైదర్ గూడలో చోటు చేసుకుంది.

కొంతకాలంగా ..

కృష్ణాజిల్లా గుడివాడకు చెందిన యల్లమట్టి బెట్టీ ( 32 ) మియాపూర్​లోని రెయిన్‌బో హాస్పిటల్​లో ల్యాబ్ టెక్నీషియన్​గా పని చేస్తుంది. నారాయణగూడ పోలీసు స్టేషన్ పరిధిలోని .. హైదర్​గూడలోని బాబాయి వసపోగు ఎజ్రా ఇంట్లో నివాసముంటుంది. ఉద్యోగం చేసే వద్ద ఓ వ్యక్తిని ప్రేమించినట్లు బెట్టి ఇంట్లో చెప్పింది. వారు పెళ్లికి నిరాకరించారు. ఇదే విషయమై కొంతకాలంగా ఇంట్లో వాగ్వాదాలు జరుగుతున్నాయి.

రూమ్​లోకి వెళ్లి చూడగా..

సోమవారం రాత్రి డ్యూటీ ముగించుకుని వచ్చిన బెట్టి.. రాత్రి 11 గంటల సమయంలో ప్రేమించిన వ్యక్తితో ఫోన్ మాట్లాడుతుంది. ఈ సమయం వరకు ఫోన్ ఎందుకు మాట్లాడుతున్నావ్.. కట్ చేసి పడుకోమని పిన్ని కేథరిన్ ఎజ్రా మందలించింది. మరుసటిరోజు ఉదయం బెట్టీ రూమ్​లోకి వెళ్లి చూడగా .. ఫ్యానుకు వేలాడుతూ కనిపించింది. సంఘటన స్థలంకు చేరుకున్న పోలీసులు కేసు నమోదు చేసుకుని .. మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు.

ఇదీ చదవండి:'వేతనాల సవరణపై త్వరలోనే శుభవార్త'